Орос эмнэлгийн ажилтнууд Олон улсын хүүхдийн эрхийг хамгаалах өдрийг тохиолдуулан "Энэрэл" төвийн хүүхэд багачуудад баяр хүргэдэг уламжлалтай. Энэ удаа тус хамт олон хүүхдийн баярыг угтан “Энэрэл” төвийн сурагчдын дунд “Байгаль эхээ хайрлая” сэдвийн дор гар зургийн уралдаан зарлан, дүгнэсэн байна. Тус уралдаанд 12 багийн 36 хүүхэд оролцсоноос тэргүүн байрт Б.Амармэнд, Н.Анхзаяа, Н.Отгонэрдэнэ нар “Байгаль орчноо хамгаалъя” бүтээлээрээ шалгарлаа. Дэд байрыг О.Болор-Эрдэнэ, С.Бархас-Эрдэнэ, Э.Өнөржаргал нарын бүтээл эзэлсэн бол гутгаар байрт Э.Отгон-Эрдэнэ, Н.Энхзаяа, П.Билгүүн-Од нарын зураг тодров. Орос эмнэлгийн мэргэжилтнүүд гар зургийн уралдаанд амжилттай оролцсон хүүхдүүдэд хичээлийн хэрэгсэл, кинотеатрын үзвэрийн эрх бэлэглэж, амттанаар дайлсан юм. 

Эрдэнэт үйлдвэрийн дэргэдэх “Энэрэл” төвийн хүүхдүүд энэхүү үйл ажиллагааг зохион байгуулсан Орос эмнэлгийн ажилтан Ч. Хишигмаад талархал дэвшүүлж, жил бүрийн хүүхдийн баяраар бэлэг, мөнгөн хандив өгдөг түргэн тусламжийн жолооч Алексей Юдинд баярлаж явдгаа илэрхийлэн сайн сайхныг хүслээ. 

Эх сурвалж: "Erdenettoday.mn"