Цагдаагийн Ерөнхий газрын дарга, хошууч генерал М.Болдын тушаалаар Сүхбаатарын болон Байлдааны гавьяаны улаан тугийн одонт, Сүхбаатарын болон Цэргийн гавьяаны одонт Цагдаа, Дотоодын цэргийн тугнуудад хүндэтгэл үзүүлэх ёслолыг 21 аймаг, 9 дүүргийн хэмжээнд зохион байгуулж байгаа. Өнөөдөр манай аймагт Цагдаа, дотоодын цэргийн туганд хүндэтгэл үзүүлэх ёслол Амарын талбайд болов. Хүндэтгэл үзүүлэх ёслолд Эрдэнэт цэргийн хүрээний анги нэгтгэл, цагдаа, дотоодын цэрэг, Онцгой байдлын алба, Шүүхийн шийдвэр гүйцэтгэх албаны бие бүрэлдэхүүн оролцов.
