Даваа гаригийн Засаг даргын шуурхай зөвлөгөөнөөр өнгөрсөн долоо хоногт хэлтэс, агентлагийн дарга нарт өгсөн үүрэг даалгаврын биелэлтийг хэлэлцлээ.  Өнгөрсөн долоо хоногт павильонуудын  газрын зөвшөөрлийг сунгах, эс сунгах асуудлаар нэгдсэн хариуг өгөхийг Засаг дарга С.Батжаргал  үүрэг болгосон. 

ГХБХБГ-аас Баян-Өндөр сумын орон сууцны хороолол дундах нийтийн эзэмшлийн талбай дээр худалдаа үйлчилгээний зориулалттай инженерийн шугам сүлжээний давхцалгүй, эзэмшил газар дээр зөрчилгүй иргэн, аж ахуйн нэгжийн судалгааг гарган аймгийн ЗДТГ-т хүргүүлсэн.

Аймгийн Засаг даргын 2023 оны нэгдүгээр сарын 19-ны өдрийн А/26 дугаар захирамжаар 20 иргэн, 40 аж ахуйн нэгжийн газар эзэмших эрхийн хугацааг 5 жилийн хугацаатай сунгаж, утсаар мэдэгдэн газар эзэмших эрхийн гэрчилгээг цахимаас хэвлэн өгчээ. 

Мэдээллийн төв