Улсын Бага хурлын Тэргүүлэгчид, Сайд нарын зөвлөлийн хамтарсан тогтоолоор Хурандаа цолыг  1936 оны 3 сарын 2-ны өдөр анх олгож эхэлжээ. Тэрхүү өдөр 5 хүнд хурандаа цол олгосны Үнэмлэх Дугаар 1-ийг Булган аймгийн Сайхан сумын уугуул иргэнд олгосон түүхтэй аж. Анхлан Зэвсэгт хүчин, Хил хамгаалах байгууллагын цэргийн алба хаагчдад тус цолыг олгосон бол 1950 онд Цагдаагийн байгууллагаас, 1964 онд Шүүхийн шийдвэр гүйцэтгэх байгууллагаас, 1971 онд Онцгой байдлын байгууллагаас /тухайн үеийн Иргэний хамгаалалтын байгууллага/ хурандаа цолтон төрөн гарчээ.

Өнөөдөр манай улсад 3200 гаруй Хурандаа цолтон байдаг бол тэдний 60 гаруй нь эмэгтэйчүүд аж. Орхон аймагт хурандаа цолтой 20 шахам хүн байгаагийн дийлэнх нь гавьяаныхаа амралтад гарчээ. Харин манай аймагт хурандаа цолтой эмэгтэй байдаггүй гэнэ.