Энэ жилийн Сар шинийн баярын өдрүүдэд Орхон аймгийн хэмжээнд Хотын захирагчийн албаны мэдэл дэх “Эрдэнэт Булганы цахилгаан түгээх сүлжээ” компани, “Эрдэнэт Ус дулаан түгээх сүлжээ” компаниудад иргэдээс ирсэн дуудлагын дагуу шуурхай ажилласан байна. “Эрдэнэт Булган цахилгаан Түгээх сүлжээ” компанид баярын өдрүүдэд 106 дуудлага, “Эрдэнэт Ус дулаан түгээх сүлжээ” компанид 475 дуудлага ирсэн байна. Хот тохижуулах газрын зам талбайн үйлчилгээний ажилтнууд баярын өдрүүдэд 33600 метр куб талбайн хогийг ачиж тээвэрлэн, хуваарийн дагуу ажиллацгаасан. 2-р сарын 26-нд цас орсонтой холбоотой бодис цацах ажлыг хийж гүйцэтгэжээ.

Эрүүл мэндийн газрын даргын мэдээлэлд баярын өдрүүдэд түргэн тусламжийн  205 дуудлага, сүүлийн 7 хоногийн хугацаанд 357 дуудлага ирсэн байна. Архины холбогдолтой 84 дуудлага ирж, яаралтай тусламжийн тасгаар 514 хүн үйлчлүүлсэн нь өмнөх оны мөн үеэс 30 хувиар өссөн. Сар шинийн баярын өдрүүдэд Орхон аймгийн Төрөх тасагт 18 хүүхэд шинээр мэндэлжээ. Мөн баярын өдрүүдээр бага насны хүүхдийн дунд вирусийн халдварт амьсгалын замын өвчлөл нэмэгдсэн

Сар шинийн баярын өдрүүдэд Цагдаагийн газрын 7035-102 дугаарт 175 гомдол хүсэлт ирсэн нь өмнөх оны мөн үеэс 25.1 хувиар буурчээ. Мөн цагдаагийн газарт ирсэн гомдол тодорхой хувиар багассан байна.

Энэ баярын өдрүүдэд Орхон аймгийн хэмжээнд 9 агентлагийн 12 албан тушаалтан хариуцлагатай жижүүрээр ажилласан байна.

Энэ жилийн сар шинийн баяр олон өдөр үргэлжилсэн ч гэмт хэргийн нөхцөл байдал тайван, яаралтай тусламж, онцгой, цагдаагийн дуудлага багассан зэрэг эерэг үзүүлэлттэй өнгөрсөн байна. Баярын өдрүүдэд эмнэлэг, цагдаа, хот тохижуулах, цахилгаан, дулаан түгээх байгууллагын ажилтан албан хаагчид хуваарийн дагуу хариуцлагатай ажиллаж, өөр өөрийн үүргийг гүйцэтгэсэн байна.