УИХ-ын дарга З.Энхболд өнгөрөгч амралтын өдөр Жаргалант суманд ажилласан юм. Тэрбээр энэ үеэр Жаргалант сумын Ж.Хандсүрэн захиралтай “Алтан тошлой”, Л.Батцэнгэл захиралтай “Бүтлийн ундарга” компанийн тариалалттай танилцав. УИХ-ын даргыг дагалдан Үйлдвэр, хөдөө аж ахуйн дэд сайд Ц.Туваан, тус яамны газрын дарга Б.Рэнчинсэнгээ тэргүүтэй албаны хүмүүс Орхон аймгийн ЗДТГ-ын дарга В.Сумъяасүх, Хөгжлийн бодлогын хэлтсийн дарга Д.Батдэлгэр, Хөдөө аж ахуйн газрын дарга Т.Отгон нар Жаргалант сумын тариаланчидтай уулзаж намрын ургац хураалттай танилцлаа. Ж.Хандсүрэн захиралтай “Алтан тошлой” компанийн хувьд өнөө жил элит сортын үрээр тариалалт хийжээ. Ингэснээр тус компани үрийн шинэчлэлт хийж үүний үр дүнд га-гаас авах ургацын хэмжээ нэмэгдэх тооцоо гарсан байна. Урьдчилсан байдлаар “Алтан тошлой” компани га-гаас 30-40 центнэр будаа авах тооцоо гарчээ. Харин “Бүтлийн ундарга” компанийн хувьд 2200 гаруй га талбайн 1100 га-д энэ жил тариалалт хийжэээ. Эднийх мөн л элит сортын үрээр өнөө жил тариалалт хийсэн байна. Урьдчилсан бланс тогтоолтоор “Бүтлийн ундарга” компани га-гаас 40-50 центнэр, зарим газраас 60 хүртэл центнэр улаан буудай хураан авах боломжтой гэсэн тооцоо гарчээ. Тариалангийн комданиудын хувьд энэ жил элит сортын улаан буудайн үрээр тариалалт хийснээр үрийн шинэчлэлийг 100 хувь хийж боломжтой болсон байна. “Бүтлийн ундарга” компанийн хувьд 1500 гаруй тонн улаан буудайг “Тариалан эрхлэлтийг дэмжих сан”-д тушаахаар төлөвлөж байна. Үйлдвэр, хөдөө аж ахуйн яам, “Тариалан эрхлэлтийг дэмжих сан”-гаас өнөө жил элит сортын үрээр тариалалт хийсэн компаниудын шинэ ургацыг бусад аж ахуйн нэгжид сэлгэн олгож үрийн шинэчлэлт хихэд нь дэмжлэг үзүүлж байгаа талаар дэд сайд Ц.Туваан УИХ-ын даргад танилцуулж байлаа. Манай улс жилдээ тариалалтад зориулж 50 гаруй мянган тонн үр нөөцөлдөг. Энэ жил УИХ-аас 20 мянган тонн улаан буудайн элит үрийг гаалийн татвараас чөлөөлөх шийдвэр гаргасан. Одоогоор 8000 гаруй тонныг нь оруулж ирсэнээр өнгөрөгч хавар аж ахуйн нэгжүүдэд хөнгөлөлттэй нөхцлөөр хуваарилсан байна. Н.Төр