Аймгийн Гэмт хэргээс урьдчилан сэргийлэх ажлыг зохицуулах салбар зөвлөл / ГХУСАЗСЗ /-ийн гуравдугаар хуралдаан боллоо. Тус хурал аймгийн хэмжээнд гарч буй зөрчлийн мэдээлэл, гэр бүлийн хүчирхийлэлтэй тэмцэх хамтарсан багуудын энэ оны хагас жилийн тайлан, залилах гэмт хэргээс урьдчилан сэргийлэх тайлан зэрэг нийт найман асуудлыг хэлэлцэв.

Улсын хэмжээнд есдүгээр сард 9 мянга гаруй гэмт хэрэг,  зөрчил бүртгэсэн байна. Харин  манай аймгийн тухайд нийт бүртгэсэн гэмт хэргийн 7.1 хувийг эзэлсэн байна. Үүнийг өмнөх оны мөн үетэй харьцуулахад өмнөх  83,1 хувиар өссөн үзүүлэлттэй гарчээ. Үүнээс гэмт хэргийн хохирогч 89,1 хувиар гэмтсэн иргэн 31.6 хувиар өссөн байна. Судалгаанаас үзэхэд Уурхайчин баг буюу гуравдугаар микрт гэмт хэргийн гаралт илүү тохиолддог байна. Энэ оны байдлаар согтууруулах ундаа хэрэглэсэн үед, гэмт хэргийн зөрчил гаргаж эрүүлжүүлсэн хүний тоо өмнөх үеийн мөн үеэс 42.7 хувиар буурчээ. Зөрчил үйлдсэн байдлаар авч үзвэл согтуугаар 2000 гаруй иргэн зөрчил гаргасан байна. Мөн эмэгтэй хүн оролцсон 289, хүүхэд оролцсон 16, гэр бүлийн хүчирхийллийн улмаас үйлдсэн 160 зөрчлийг цагдаагийн газраас бүртгэсэн байна.