Аймгийн  ИТХ-ын Зөвлөлийн хурлаар Шилэн дансны хуулийн хэрэгжилт манай аймагт ямар байгаа асуудлыг авч хэлэлцлээ. Аймгийн ЗДТГ-ын хэрэгжүүлэгч агентлаг  Санхүүгийн хяналт, дотоод аудитын алба /СХДАА/-ны мэргэжилтэн авч хэрэгуүүлсэн арга хэмжээ, хяналт шалгалтын дүнгийн талаар мэдээлэл хийж Хурлын Зөвлөлийн гишүүдийн асуултад хариулт өгсөн юм.

СХДАА-ны мэдээллээс харвал Хуулийн хэрэгжилт аймгийн нэгдсэн дүнгээр өнгөрөгч оны дөрөвдүгээр улиралд 94.4 хувь, энэ оны нэгдүгээр улиралд 92.2 хувьтай гарчээ. Харин хоёрдугаар улирлын дүнгээс харвал үзүүлэлт өмч  95 хувьд хүрчээ. Үүнийг өмнөх оны мөн үеүүдтэй харьцуулахад сайжирсан үзүүлэлт гэнэ.  Аймгийн хэмжээнд сүүлийн 3 жилийн байдлаар Шилэн дансны хуулийн хэрэгжилт  2,2 хувиар өссөн дүнтэй гарч байгаа аж

     СХДАА  нь байгууллагууд цаг хугацаандаа, хуулийн хүрээнд мэдээллээ байршуулж байгаа эсэх, мэдээлэл оруулахдаа иж бүрнээр нь оруулж байгаа эсэхэд хяналтыг тавьдаг. Ингэхдээ 3-аас дээш улирал 70 хувиас доош хэрэгжилттэй байгаа зарим байгууллагад зөвлөн туслах үйлчилгээг үзүүлж, хэрэгжилтийг сайжруулах тал дээр хамтран ажилладаг юм байна. Хурлын зөвлөлийн гишүүд СХДАА-ны мэдээлэлтэй танилцаад манай йамагт Шилэн дансны хуулийн хэрэгжилт сайн байна, хэрэгжүүлэгч агентлаг сайн ажиллаж байна гэж дүгнэлээ.