Орхон аймаг “Шинэ сэргэлтийн бодлого төрийн бүтээмж” төрийн албан хаагчдын сургалт зөвлөгөөнийг өнөөдөр Уурхайчин соёлын ордонд зохион байгуулж байгууллаа. 
       Төрийн албан хаагчдад Монгол Улсын Засгийн газраас дэвшүүлсэн Шинэ сэргэлтийн бодлого болон Төрийн албаны шинэчлэгдсэн хуулийн нэмэлт өөрчлөлт холбогдох журмын талаар мэдээлэл хүргэх зорилготой үйл ажиллагааг нээж аймгийн Засаг дарга бөгөөд Эрдэнэт хотын захирагч С.Батжаргал үг хэлж,  УИХ-ын гишүүн Д.Батлут, аймгийн ИТХ-ын дарга Д.Мөнхбат нар төрийн албан хаагчдад мэндчилгээ дэвшүүллээ. 
Сургалт зөвлөгөөнд: 
-     Монгол улсын төрийн албаны зөвлөлөөс “Төрийн албаны тухай хуульд оруулсан нэмэлт өөрчлөлт, зохицуулалт, анхаарах асуудлууд” сэдвээр 
-    Цахим хөгжил харилцаа холбооны яамнаас “Цахим хөгжил төрийн бүтээмж сэдвээр”цахимаар илтгэл тавигдах бол 
-    ЗГХЭГ-ын Орон нутаг удирдах зөвлөлийн дарга П.Зоригтбаатар “Шинэ сэргэлтийн бодлого төрийн бүтээмжийн сэргэлт” сэдвээр 
-    “Ворлд стандарт консалтинг” ХХК-ийн гүйцэтгэх захирал Д.Цэрэнжав ISO стандартыг хэрэгжүүлсэнээр менежментийн тогтолцоогоо хэрхэн удирдах, сайжруулахад анхаарах асуудлууд” сэдвээр тус тус илтгэл тавигдлаа. 
       Түүнчлэн иргэдийн санал хүсэлтийг цахимаар хүлээн авах “irgen.erdenet.mn” вэб системийн нээлт, Олон Улсын стандарт нэвтрүүлсэн байгууллагуудад гэрчилгээ гардуулах ёслол, төрийн анхан шатны үйлчилгээ үзүүлэгч багийн ажлын албанд тоног төхөөрөмж гардуулах арга хэмжээнүүд болсон юм. 
Зөвлөгөөнд Орхон аймгийн төрийн захиргааны болон төрийн үйлчилгээний байгууллагуудын 400 гаруй албан хаагч хамрагдлаа. 

Эх сурвалж: “Erdenet.mn”