Аймгийн  ИТХ-ын Зөвлөлийн тавдугаар хуралдаан өнөөдөр болж зарим асуудлыг хэлэлцэв. Зөвлөлийн хурлаас аймгийн ИТХ-ын ээлжит хуралдааныг есдүгээр сарын 15-нд хуралдуулахаар тогтлоо.  Зөвлөл хуралдаанд аймгийн 2021 оны төсвийн гүйцэтгэлийн талаарх мэдээллийг сонсос, хариуль авлаа. Аймгийн ЗДТГ-ын Санхүү, төрийн сангийн хэлтсийн дарга Н.Бямбацэцэгийн мэдээллээс харвал 2021 оны Орон нутгийн төсвийн орлого 10.7 тэрбум төгрөг буюу 115 хувиар давж биелжээ. Мөн  сүүлийн жилүүдэд аймгийн төсвийн гүйцэтгэл давсан орлоготой биелж ирсэнийг тэрбээр онцоллоо. Тухайлбал,  

• Тухайлбал, 2017 онд 44,5 тэрбум төгрөг төлөвлөж 46,7 тэрбум төгрөг,
• 2018 онд 44,4 тэрбум төгрөг төлөвлөж 50,1 тэрбум төгрөг,
• 2019 онд 55,1 тэрбум төгрөг төлөвлөж 65,3 тэрбум төгрөг,
• 2020 онд 66,7 тэрбум төгрөг төлөвлөж 72,9 тэрбум төгрөгийг орон нутгийн төсөвт  тус тус төвлөрүүлсэн байна. 

Өнгөрсөн оны тухайд 69.3 тэрбум төгрөг төлөвлөж 80.0 тэрбум төгрөгийг орон нутгийн төсөвт төвлөрүүлж 10,7 тэрбум буюу 115 хувиар  орон нутгийн орлого давсан байна. 
16 нэр төрлийн татварын орлогоос бууны албан татвар, улсын тэмдэгтийн хураамж зэрэг орлогын албан татвар буурсан  үзүүлэлттэй гарсан нь ковидийн нөхцөл байдал мөн программ шинэчлэлт зэрэг үйл ажиллагаатай холбоотой гэх тайлбарыг ЗДТГ-ын Санхүү, төрийн сангийн хэлтсээс тайлбарлав. Уг асуудлыг ИТХ-аар хэлэлцүүлэхийг Зөвлөлийн гишүүд дэмжсэн. 

Мөн Нэршил өөрчлөх тухай, Зөвшөөрөл олгох тухай, Газрын үнэлгээний бүс, итгэлцлүүрийн тоон утга төлбөрийн хэмжээг тогтоох тухай, Газар зохион байгуулалтын ерөнхий төлөвлөгөөг батлах тухай, Хугацаа сунгах тухай зэрэг асуудлыг хэлэлцэж байна.