Өчигдөр буюу наймдугаар сарын 30-нд УИХ-ын ээлжит бус чуулганы хуралдаанаар Засгийн газрын бүтэц, бүрэлдэхүүнд өөрчлөлт оруулж 10 сайдыг шинээр томилсон. Түүний дараахан Засгийн газрын ээлжит хуралдаан болж томилгоотой холбоотой олон асуудлыг хэлэлцжээ: Энэ үеэр “Эрдэнэт үйлдвэр” ХХК-ийн Ерөнхий захирлаар Уул уурхай, хүнд үйлдвэрийн сайд асан Г.Ёндонг томилсон байна.

Харин  “Эрдэнэт үйлдвэр” ТӨҮГ-ын Ерөнхий захирал Х.Бадамсүрэнг Уул уурхай, хүнд үйлдвэрийн яамны төрийн нарийн бичгийн даргаар томилсон байна.

Бусад асуудлын хүрээнд Эрчим хүчний сайд асан П.Тавинбэхийг Эрчим хүчний яамны Төрийн нарийн бичгийн даргаар, Зам, тээврийн хөгжлийн яамны дэд сайд Ж.Бат-Эрдэнийг Хүнс, хөдөө аж ахуй, хөнгөн үйлдвэрийн дэд сайдаар , Б.Болор-Эрдэнийг Цахим хөгжил, харилцаа холбооны яамны дэд сайдаар, Зам, тээврийн хөгжлийн сайд асан Л.Халтарыг тус яамны дэд сайдаар томилжээ.