Тээврийн цагдаагийн албанаас Монгол Улсын хэмжээнд “Зөвийг хэвшүүлье” аяны хүрээнд “Сурагчийн аюулгүй байдалд эцэг, эх асран хамгаалагчийн үүрэг оролцоо” арга хэмжээг зохион байгуулж эхэлжээ. Энэ хүрээнд хүүхдийг зам тээврийн осол хэрэг, болзошгүй байгалийн аюулт үзэгдлээс урьдчилан сэргийлэхэд төрийн болон ТТБ, багш, эцэг эх, асран хамгаалагчийн үүрэг оролцоог нэмэгдүүлэх юм. Түүнчлэн замын хөдөлгөөний аюулгүй байдлыг хангах, зөв дадал, мэдлэгийг хүүхэд багачуудад өгөх, сурган хүмүүжүүлэгч, эцэг, эхчүүдэд хууль эрх зүйн мэдлэгийг олгох ажлыг аймгийн хэмжээнд зохион байгуулах аж.

Нэг сарын хугацаатай уг аяныг хэрэгжүүлснээр хүүхдийг зам тээврийн осол, болзошгүй байгалийн аюулт үзэгдлээс урьдчилан сэргийлэх, эцэг эх, асран хамгаалагчийн үүрэг хариуцлагыг дээшлүүлэхэд төрийн болон ТББ-уудын хамтын уялдааг сайжруулахад оршиж байгаа юм.

Аймгийн Боловсрол, соёл урлагийн  газар, Замын цагдаагийн газар, Эрүүл мэндийн төв, Онцгой байдлын газар, БОЭТ зэрэг байгууллагаас аяны талаар мэдээлэл өгч, гэнэтийн аюул ослоос урьдчилан сэргийлж, үр хүүхэддээ тавих анхаарлаа сулруулахгүй байхыг  эцэг, эх, асран хамгаалагч нарт сэрэмжлүүллээ.