Л.Оюун-Эрдэнийн Засгийн газар залуучуудын “Ажлаа хий” жагсаалын шаардлагын дагуу хэмнэлтийн горимд шилжиж эн тэргүүнд төр засгийн хэмжээнд дунд, том оврын жийп машинаас татгалзахаар болсон. Яам, тамгын газар, УИХ-ын гишүүд хөдөө орон нутагт ажиллах тохиолдолд л дуудлагын том оврын жийп машин унахаас бусад үед албан хэрэгцээндээ жижиг машин унаж байхаар болсон билээ. Тэгвэл манай аймгийн төр захиргааны байгууллагуудад дунд, том оврын 35 жийп машиныг дарга нар албан хэрэгцээндээ унадаг. Уг нь Эрдэнэт хотод төрийн албан хаагчид, дарга нар том оврын жийп унаад байх шаардлагагүй л дээ. Тэр бүү хэл Засгийн газрын 144 тоот тогтоолоос харвал аймгийн ЗДТГ-ын дарга Д.Соёлчхүү ч том оврын жийп байтугай машин унах эрхгүй, дуудлагын машин шаардлагатай нөхцөлд унахаар журамласан байдаг.

Аймгийн хэмжээнд төрийн мэдлийн 36 байгууллагад 269 тээврийн хэрэгсэл бүртгэлтэй байдаг ажээ. Үүнд,

*** Тусгай зориулалтын тоноглогдсон машин, механикм 121 /Хот тохижуулахын өөрөө буулгагчууд багтана/

*** Автобус, микроавтобус 34,

*** УАЗ төрлийн 19 автомашин

*** Суудлын 148 автомашинтай.

*** Түргэн тусламжийн, тусгай тоноглогдсон 17 автомашин 103-ын дуудлагад явдаг ажээ.

2020 оноос хойш түргэн тусламжийн яаралтай, цаг алдалгүй иргэдэд хүргэх зорилгоор 10 машиныг 100 сая төгрөгөөр тоногложээ.