Аймгийн ИТХ-ын 2021 оны 76 тоот тогтоолоор Цагаанчулуут багийн 49-53 дугаар гудамжны гэр хорооллын газрыг дахин төлөвлөн барилгажуулахаар тогтжээ. Үүний хүрээнд дээрх 49-53 дугаар гудамжны айл өрхөөс судалгаа авчээ. Судалгаанд 82 нэгж талбарын 70 нь хамрагдсан байна. Нийт хамрагдсан айл өрхийн 85 хувь нь дэмжсэн байна. Ингэхдээ 55 өрх газраа орон сууцаар солихыг дэмжсэн бол 15 өрх газраа бэлэн мөнгөөр зарах санал гаргажээ. Харин 9 өрхийн хувьд дахин төлөвлөлтийг дэмжээгүй байна.