УИХ-ын Тамгын газраас УИХ-ын гишүүдийнхээ ирц, оролцооны талаар мэдээлэл гаргажээ. Эндээс харвал манай аймгаас сонгогдсон УИХ-ын гишүүн Н.Алтанхуяг хоёр ч үзүүлэлтээр тэргүүлэгчдийн тоонд орсон байна.  Хамгийн олон минут үг хэлсэн гишүүдийг Б.Энхбаяр тэргүүлсэн бол Н.Алтанхуяг гишүүн удаалжээ.

Мөн тэрбээр өнгөрсөн намрын чуулганд хамгийн олон удаа асуулт асуусан гишүүдийн хоёрдугаарт жагссан байна. Н.Алтанхуяг гишүүн хэлэлцэж байгаа асуудалтай холбогдуулан 34 удаа асуулт асууж хариулт авчээ. УИХ-ын гишүүд нэг удаа үг хэлэхэд 5 минут, нэмэлт цаг нь 1 минут байдаг. Н.Алтанхуяг гишүүний хувьд намрын чуулганд 60 минут үг хэлсэн бол Б.Энхбаяр гишүүн 81 минутаар бусдыгаа манлайлжээ. Дээрх үзүүлэлтүүдээс харахад манай гишүүн идэвх оролцоо, мэдлэг, туршлагаар бусдаасаа илүү ёстой “Төрд хэрэгтэй зайран” гэдгээ баталсан бололтой.