“Ногоон Эрдэнэт” Зөвлөгөөнд “Эрдэнэт үйлдвэр ХХК-ийн Ерөнхий захирал Х.Бадамсүрэн оролцож хэлсэн үгэндээ “Монгол улсын Ерөнхийлөгч У.Хүрэлсүхийн санаачилсан Нэг тэрбум мод тарих үндэсний хөдөлгөөнд Эрдэнэт үйлдвэрийн уурхайчид манлайлан, хошуучлан оролцоно. Манай үйлдвэр нийгмийн хариуцлагынхаа хүрээнд 100 сая мод тарьж ургуулна. Уул уурхайн үйлдвэрийн хувьд бүтээн байгуулалтын ажлаа 5 жилээр төлөвлөдөг. Өнөөгийн Ерөнхийлөгч У.Хүрэлсүх Монгол улсын Засгийн газрын тэргүүнээр ажиллаж байхдаа Эрдэнэт үйлдвэрийг 2031 он хүртэл хөгжүүлэх Үндсэн чиглэлийг баталж өгсөн байдаг. Үүний хүрээнд манай ажил 2017-2021, 2022-2026, 2027-2031 он хүртэлх таван жилийн төлөвлөгөөнийхөө хүрээнд мод тарих ажилд идэвхтэй оролцоно. 100 сая мод гэдэг бол том тоо. Тарих нэг хэрэг. Ургуулах нь хамгийн чухал ажил байх болно. Газрын хэвлийн баялгийг үндэсний баялаг болгох үүрэгтэй хүмүүс бол уурхайчид бид юм. Цагаан тоос бидэнтэй олон жил хамт байсан. Энэ асуудлыг хамтын хүчээр шийдэх ёстой. Үүний тулд зорилгоо нэгтгэж хамтран зүтгэхийн уриалж байна” хэмээсэн юм. s