Аймгийн Засаг даргын Зөвлөлийн ээлжит тавдугаар хуралдаан боллоо. Энэ удаагийн хуралдаанаар

1. “Өрхийн тариалалтыг дэмжих хөтөлбөр”-ийн хүрээнд төмс, хүнсний ногооны үр, хүлэмжийг дэмжлэгээр олгох журмыг шинэчлэн батлах тухай ХОХБТХ-ийн дарга С.Даваадорж
2. Авлигатай тэмцэх үндэсний хөтөлбөрийн хэрэгжилтийн талаар ХЭЗХ-ийн дарга М.Мөнхбаяр
3. “Эрдэнэт хотын хүндэт иргэн” шагналын журмыг шинэчлэн батлах тухай ТЗУХ-ийн дарга Ш.Ганболд гэсэн асуудлыг авч хэлэлцэв.

Нэгдүгээр асуудлын хувьд  Хөдөө аж ахжй, хүнсний аюулгүй байдлын чиглэлээр хэрэгжиж байгаа төсөл, хөтөлбөрт аудитын байгууллага гүйцэтгэлийн хяналт, шалгалт хийсэн байна. Хяналт, шалгалтын хүрээнд тодорхой зөвлөмж ирүүлсэний үндсэн дээр хөтөлбөрийн журманд өөрчлөлт оруулахаар болжээ. Мөн “Ногоон Эрдэнэт”, “Нэг тэрбум мод” үндэсний хөдөлгөөнйи хүрээнд  манай аймаг 2030 он гэхэд 20 сая мод тарина. Иймд мод үржүүлгийн ажил эрхэлдэг иргэн, аж ахуйн нэгжийг дэмжих чиглэлийг “Өрхийн тариалалтыг хөтөлбөр”-тэй уялдуулах шаардлага гарч ирсэн. Мод үржүүлгийг үрээр, хүлэмжинд суулгадаг. Иргэн, аж ахуйн нэгжтэй уулзаад явж байхад модны үрсэлгээ, үржүүлгийг хүлэмжинд 2.5 жилд хүртэл ургуулдаг. Түүний дараа л гадаа талбайд суулган шилжүүлэх боломж бүрддэг. Манай аймгийн хувьд хүлэмжийн аж ахуй эрхлэгчдийг дэмжиж 50 хүртэлх хувийн хөнгөлөлттэй үнээр хүлэмж олгож ирсэн. Өнгөрсөн хугацаанд аймгийн хэмжээнд 92 иргэн, 14 байгууллагад хүлэмж олгосон. Одоо хүлэмжинд мод үрслүүлдэг иргэн, аж ахуйн нэгжийг дэмжихийн тулд журмандаа өөрчлөлт оруулж байгаа хэмээн аймгийн Хүнс, хөдөө аж ахуйн газрын дарга Ж.Бат-Өлзий мэдээллээ. Энэ үеэр аймгийн Засаг дарга С.Батжаргал Монгол улсын Засгийн газраас ирэх жилүүдэд хэрэгжүүлэх Шинэ сэргэлтийн бодлогын хүрээнд манай аймгийг хөдөө аж ахуйн гаралтай бүтээгдэхүүний үйлдвэржүүлэлтийг хөгжүүлэхээр заасан байгаа. Үүнтэйгээ уялдуулах хэрэгтэй. “ОРХ Засаг дарга” тоот дансанд орлогыг төвлөрүүлж болохгүй бол шинээр данс нээчих л дээ. Нэгжийн тухай хуулиар данс нээж болох юм билээ. Энэ бүхнийгээ сайн судлаарай хэмээв.