Аймгийн Засаг дарга С.Батжаргалын санаачлагаар “Эрүүл Хүнс-Эрүүл Монгол хүн” үндэсний хөтөлбөрийн хэрэгжилтийг хангах чиглэлээр “Өвлийн идэш-2021” өргөтгөсөн худалдааг зохион байгуулах гэж байна. “Өвлийн идэш 2021” өргөтгөсөн худалдаа нь  аймгийн төвийн хүн амын хүнсний хангамжийг нэмэгдүүлэх, айл өрхийг өвлийн идэш бэлтгэх, нөөцлөх, ченжийн гар дамжуулалгүйгээр нэг дороос худалдан авах боломжийг бүрдүүлэх зорилготой иргэдэд чиглэсэн бүтээлч ажил байх ажээ.

 Өргөтгөсөн худалдааг 2021 оны 12 дугаар сарын 3-ны өдрөөс 2021 оны 12 дугаар сарын 9-ний өдрийг дуустал зохион байгуулахаар төлөвлөөд байна. Тус арга хэмжээг наадмын талбайн павильонуудыг ашиглан зохион байгуулах гэнэ. Ингэснээр бусад аймаг, сумдын шүлхий өвчин гараагүй бүс нутгаас баталгаатай мал махыг малчдын гар дээрээс иргэдэд шууд худалдаалах боломжоор хангах юм.

Бусад аймаг, сумдын малчин, иргэд ч мөн энэ үеэр Эрдэнэт хотод ирж мал аж ахуйн гаралтай хүнсний бүтээгдэхүүнээ шууд худалдан борлуулж болох тухай зохион байгуулагчид мэдэгдлээ.

Аймгийн Хүнс, хөдөө аж ахуйн газар, Мал эмнэлгийн газар, Мэргэжлийн хяналтын газар, аймгийн ЗДТГ-ын ХОХБТХ-ийн зүгээс эрдэнэтчүүдийг энэ үеэр эрүүл, чанартай, аюцлгүй байдлыг хангасан махны худалдаанаас өвлийн идшээ нөөцлөхийн зэрэгцээ малчдыг ч энэ ажилд идэвхтэй хамруулах тал дээр анхаарч ажиллаж байгаа ажээ.