Ус цаг уур, орчны шинжилгээний газраас энэ сарын 7-ныг хүртэлх цаг агаарын урьдчилсан төлөвийг гаргажээ.  Эндээс харвал

**** 3-нд баруун аймгуудын нутгийн баруун болон хойд, төвийн аймгуудын нутгийн баруун хойд хэсгээр,

**** 4-нд баруун болон төвийн аймгуудын ихэнх нутгаар,

**** 5-нд баруун аймгуудын нутгийн зүүн, төвийн аймгуудын нутгийн өмнөд хэсэг, говийн аймгуудын ихэнх нутаг, зүүн аймгуудын нутгийн зарим газраар,

**** 6-нд говийн аймгуудын нутгийн зарим газар, зүүн аймгуудын нутгийн өмнөд хэсгээр цас орж, цасан шуурга шуурахыг анхааруулсан байна.

Арваннэгдүгээр сарын цаг агаарын төлвөөс харвал агаарын  дундаж температур олон жилийн дунджаас дулаан байх гэнэ. Сарын эхний арав хоногт ихэнх нутгаар бага зэрэг сэрүүсч, хоёрдугаар арав хоногт агаарын температур өмнөх үеэсээ  хасах 3 аас хасах 8-хэмээр хүйтэрнэ. Энэ сард олон жилийн дунджаас бага хур тунадас орох төлөвтэй байна. Сарын эхэн болон дунд үед хүйтний эрч чангарч, -3-8 градусаар илүү хүйтэрнэ. Арваннэгдүгээр сар гарын эхэн болон дунд үед, мөн сүүлчээр нийт нутгаар цастай. Салхины хурд 5-10 м/секунд байх төлөвтэй бол сарын сүүлчээр Алтайн салбар уулсаар түр зуур 18-20 м/с хүртэл ширүүсч болзошгүй анхааруулжээ.