Технологи, түншлэл, хөрөнгө оруулалтын чиглэлээр мэдээлэл солилцож туршлагаа хуваалцсан “ЭРДЭНЭТ ХӨГЖИЛ 2021” эдийн засгийн форумаас гарсан онцлох үр дүнгүүдийг танилцуулж байна. 

***** Гадаад, дотоодын төрийн болон хувийн хэвшлийн байгуулалгууд, бизнес эрхлэгчид, иргэд танилцаж харилцан мэдээлэл, туршлага солилцлоо. 

***** Орон нутгийн нийгэм, эдийн засгийг хөгжүүлэх олон чухал зөвлөмж, шинэлэг санал, санаачилга хүлээн авлаа. 

***** Хоёр төсөлд бизнес эрхлэгч хөрөнгө оруулсан. 

***** Хамтран ажиллах чиглэлээр 5 санамж бичиг байгуулагдсан. 

***** Орон нутгийн ЖДҮ эрхлэгчдийг чадавхижуулахад ХБНГУ-ын GIZ прогресс төсөлтэй, хог хаягдлын менежмент, нийтийн тээврийн салбарын хөгжүүлэлтэд НҮБ-ын хөгжлийн хөтөлбөртэй, ЕБС-ын цахим сургалтын чадамжийг нэмэгдүүлэхэд Мобиком корпорацтай зэрэг гадаад, дотоодын олон байгууллагуудтай хамтын ажиллагааг эхлүүлсэн. 

**** “Эрдэнэт үйлдвэр” ТӨҮГ-ын танилцуулсан импортын зарим бараа бүтээгдэхүүний үзэсгэлэнг иргэд маш ихээр сонирхсон. Цаашид орон нутаг үйлдвэрийн хамтын ажиллагааны хүрээнд энэхүү ажлыг өргөжүүлэн зохион байгуулах боломжтой байна.

 Форумын бүх арга хэмжээнд үндэслэн цаашид орон нутгийн түвшинд хэрэгжүүлэх ажлын төлөвлөгөөг ЗДТГ-ын ХОХБТХ гаргаж биелэлтийг ханган ажиллах юм байна.