Аймгийн Засаг даргын санаачлагаар энэ сарын 19-20-ны өдрүүдэд “Эрдэнэт хөгжил, эдийн засгийн форум 2021” хэлэлцүүлгийг танхим, цахим хосолсон хэлбэрээр зохион байгуулж байна. Аймгийн Засаг дарга С.Батжаргалын санаачлагаар зохиож буй энэ удаагийн эдийн засгийн форумд УИХ-ын гишүүн Д.Батлут, УИХ-ын гишүүн С.Ганбаатар, УИХ-ын гишүүн Н.Алтанхуяг нар цахимаар оролцож, форумд зохион байгуулагчид болон илтгэгч нарт амжилт хүслээ. Форумын нээлтэд аймгийн ИТХ-ын Тэргүүлэгчдийн дарга Д.Мөнхбат, аймгийн Засаг дарга С.Батжаргал,  “Эрдэнэт үйлдвэр” ТӨҮГ-ын төлөөлөл болон аймгийн ЗДТГ-ын Хөгжлийн бодлогын хэлтсийн дарга С.Даваадорж тэргүүтэй албаны хүмүүс оролцлоо.

“Эрдэнэт хөгжил, эдийн засгийн форум 2021” ихээхэн онцлогтой болж байна. Форумд Монгол улс болон Орхон аймаг, Эрдэнэт хоттой эдийн засгийн талаар хамтын ажиллагаатай Олон улсын байгууллага,  15 улсын элчин сайд болон элчин сайдын яамны нэгдүгээр нарийн бичгийн дарга нар оролцож мэндчилгээ дэвшүүлэн амжилт хүслээ.

Эдийн засгийн форум

1-д  “Түншлэл- эдийн засаг, бизнесийн хөгжил”  

2-д “Технологи инноваци”

3-д “Мэдээллийн технологи хүний нөөц”

4-д “Хог хаягдлын менежмент, нөхөн сэргээлт” сэдвээр салбар хуралдаанаар хоёр өдрийн турш үргэлжлэх юм.