Энэ сарын 24-нд аймгийн Боловсрол, соёлын газраас цаг үеийн нөхцөл байдалтай уялдуулах, хөрш зэргэлдээх аймгуудад халдвар гарсан тул 3 хоног хичээл, сургалтын үйл ажиллагааг түр зогсоох, энэ хооронд ариутгал, халдваргүйтгэл хийх санал гаргаж аймгийн Онцгой комисс хэлэлцэн дэмжсэн. 

Ингээд тэр өдрийн хоёрдугаар ээлжийн хичээл 13.00 цагт орох тул хичээл тараах, цэцэрлэгийг 16.00 цагт тараах тухай шийдсэн. Хэвлэлийнхэнд үүний дараа мэдээлсэн. Гэнэт нөхцөл байдал хүндэрч БОЭТ-д сэжигтэй тохиолдол илэрч 17.00 цагт PSR шинжилгээний хариу Эерэг гэж гарсан. Нөхцөл байдлаас шалтгаалж түргэвчилсэн оношлуураар шинжилгээ авсан.

Цаашид огцом шийдвэр гаргах, шуурхай арга хэмжээ авах шаардлага гарсан үед шуурхай шийдвэр гаргах болно. Энэ вирус чинь гарт баригдаж, нүдэнд харагддаггүй. Тиймээс иргэд гэнэтийн мэдээлэлд бэлэн байх хэрэгтэй. Тодорхой асуудал байвал аймгийн Шуурхай штабт ханд.

Хоёрдугаарт, дугаарын хязгаарлалтыг багагүй хугацаанд хийнэ. Үнэндээ дугаарын хязгаарлалт бол ард иргэдийн бараг 100 хувийн санал, хүсэлтээр хийж байгаа ажил. Хөрш зэргэлдээх аймаг, орон нутгаас машинтай орж ирсэн иргэдэд тодорхой хүндрэл учруулж байгаа болов уу. Гэхдээ тодорхой шалтгааны улмаас дугаарын хязгаарлалтыг  хийнэ.