Аймгийн онцгой комиссоос мэдээлэл хийв. Эрүүл мэндийн газрын дарга Д.Сүхээ “Гуравдугаар сарын 24-ний 11.00 цагт БОЭТ-д иргэн Г халуурч ханиалгасан, үнэр амт мэдрэхгүй байна, цээжээр хатгаж өвдөж байна гэсэн оноштойгоор хандсан. БОЭТ-ийхэн яаралтай тусгаарлан, түргэвчилсэн шинжилгээ хийхэд Эерэг гарсан. PSR хийхэд хариу нь мөн л Эерэг гарсан. Ойрын хавьтлын 8 хүнээс түргэвчилсэн шинжилгээ авсан Эерэг гарсан. Тэднээс PSR  авахад 3 нь батлагдсан. Одоогийн байдлаар ойрын хавьтлын 116 иргэнийг тусгаарласан. Дам хавьтлын 175 иргэнд тандалт, судалгаа хийж байна. Иргэн Г-гийн явсан маршрут, хөдөлгөөнийг үндэслэн Эрдэнэт үйлдвэрийн 3700 ажилтнаас шинжилгээ авахад 5 тохиолдол Эерэг гарсан. Хивсний үйлдвэрийн 508 ажилнаас мөн шинжилгээ авлаа. Хүний шинжилгээ Эерэг гарлаа. Шинжилгээг баталгаажуулахаар ажиллаж байна” хэмээн мэдээлэв.