Бидний цаг тутам хэрэглэж байгаа амны хаалт өмнөд хөршөөс ихэвчлэн орж ирдэг. Чанар, шүүлтүүр энэ тэрийн хувьд асуудал ихтэй. Амны хаалтаа зүүх гээд татвал бүч нь тасраад ирнэ. Нэг үгээр хэлбэл муухан л эд. Манай Эрдэнэтийн эмийн сангууд, томоохон худалдааны төвүүдэд иймэрхүү амны хаалт худалдаалдаг. 

Гэтэл Монголд чанарын шаардлага хангасан, 95-аас дээш хувийн шүүлтүүртэй, сайн чанарын материалаар амны хаалт хийсэн мэдээллийг олж үзлээ. “Гранд эко эхлэл” ХХК-ийн хамт олон Турк улсын технологиор 3 давхар шүүлтүүртэй, чанарын шаардлага хангасан “Эко эхлэл” нэртэй амны хаалт үйлдвэрлэдэг. Манай хотод байна уу гээд Эрдэнэтийн тэр олон эмийн сангаар оролтой биш. “Гранд эко эхлэл” компанийн утсанд холбогдож “Эрдэнэтийн эм хангамжийн байгууллагынхан танайхаас амны хаалт авдаг уу” гэж асуулаа. “Эрдэнэтээс манай амны хаалтыг аваагүй. Дархан-Уул, Баянхонгор, Говь-Алтайгаас захиалга ирүүлдэг” гэх нь тэр.

Яагаад эрдэнэтчүүд чанартай, шүүлтүүр сайтай амны хаалт зүүж болохгүй гэж. Цар тахал цаашаа болоогүй, дэргэд ирээд шаг хийтэл шалж байгаа энэ үед хоёр давхар чанаргүй амны хаалт зүүж өөрсдийгөө хуурсанаас чанартайг нь хэрэглэе. “Эко эхлэл” маск үйлдвэрээс 1 ширхэг нь 150 төгрөгөөр гардаг аж. Тиймээс чанартай, эх орны үйлдвэрийн амны хаалтыг хэрэглэх шаардлага надад ч таньд ч байгаа болов уу. “Гранд эко эхлэл” компанийн хамт олон сайн чанарын материалаар хийсэн, арьсанд элдэв харшил өгөхгүй, эвгүй үнэр гарахгүй, вирусээс хамгийн өндөр хувиар хамгаалах энэхүү амны хаалтны худалдаандаа сугалаа зарласан гэнэ.

Эцэст нь бичигч миний хувьд албан ба албан бусаар ч дээрх компанийн худалдан борлуулагч, төлөөний этгээд биш гэдгээ дуулгая. Эрдэнэтийн эмийн сангуудад байдаг өмнөд хөршийн чанар тааруухан амны хаалтны оронд эх орны үйлдвэрийн чанарын шаардлага хангасан “Эко эхлэл” амны хаалтыг хэрэглэх хүсэлдээ хөтлөгдөн энэ мэдээллийг дуулгаж байна. Манай хотод байдаг эм ханган нийлүүлэх байгууллагынханд энэ мэдээг  дуулгах гэсэн юм. Холбогдох хаяг, утас нь байна. Харилцах утас: 91912024, Facebook хуудас: Маск захиалгын хуудас