Аймгуудын өрсөлдөх чадварын 2020 оны тайлан гарчээ. Энэ удаад манай аймаг дахиад л энэ үзүүлэлтээрээ 21 аймгаа тэргүүлжээ. 

Хоёр, гуравдугаар байрт Дорноговь, Дархан-Уул аймаг оржээ. Цааш нь жагсаавал Өмнөговь, Говьсүмбэр, Увс, Өвөрхангай, Дорнод, Сэлэнгэ, Сүхбаатар, Ховд, Хэнтий, Баян-Өлгий, Хөвсгөл, Төв, Дундговь, Архангай, Завхан, Баянхонгор, Говь-Алтай, Булган аймаг орсон байна.

Энэ судалгааг тодорхой аргачлалын дагуу гаргадаг аж. Энэ жилийн хувьд аймгуудын өрсөлдөх чадварын дундаж оноо 63 байна. Энэ нь 2019 оны үзүүлэлтээс 5 оноогоор буурсан дүн гэнэ. Өрсөлдөх чадварын үнэлгээг тооцон гаргахдаа

*** эдийн засгийн чадамж                                                                 

*** бизнесийн үр ашиг

*** засаглал

*** дэд бүтэц 4 үндсэн үзүүлэлтийг харьцуулан гаргадаг байна. Энэ жилийн тайлангаас харвал 7 аймгийн өрсөлдөх чадварын оноо өсч, 13-ынх буурч нэг аймгийнх өсөлт, бууралт үзүүлээгүй байна. Тухайлбал, Ховд, Увс аймгийн өрсөлдөх чадвар сайжрахад бизнесийн үр ашиг, дэд бүтцийн үзүүлэлтүүд нөлөөлсөн байх аж. Харин Төв, Говь-Алтай аймгийн хувьд засаглал, эдийн засгийн үзүүлэлт буурсан нь өрсөлдөх чадварын оноонд сөргөөр нөлөөлснийг судлаачид онцолж байна. Өрсөлдөх чадварын үзүүлэлтэд аймаг орон нутгийн удирдлагын эдийн засаг, бизнесийг дэмжих чиглэлээр гаргаж байгаа бодлого хэр өгөөжтэй, үр дүнтэй байх нь аймгуудын шалгуурт томоохон нөлөө үзүүлдэг байна. Өрсөлдөх чадварын үзүүлэлтийг сүүлийн 10 жил гаруйн хугацаанд гаргахад манай аймаг ямагт тэргүүлсэн юм. Манай аймгийн хувьд дээрх 4 үзүүлэлтээс эдийн засгийн чадамж гэсэн шалгуурт 3 дугаарт жагссаныг судлаачид онцолж байна.