Аймгийн Онцгой комисс хуралдаж цаг үеийн нөхцөл байдалтай уялдсан зарим шийдвэр гаргалаа. Улаанбаатар, Төв, Завхан аймгийн Шилүүстэй суманд цар тахал илэрч нөхцөл байдал хүндэрсэн тул ийнхүү аймгийн Онцгой комиссоос зарим шийдвэрийг гаргаж байгаа аж.  Үүнд,

     **** Хот хоорондын нийтийн тээврийн үйлчилгээ энэ сарын 15-ыг хүртэл одоо мөрдөж байгаа журмын дагуу явна. Үүнээс хойш Орхон аймгаас Улаанбаатарын чиглэлд Даваа  болон Лхагва гарагт, Улаанбаатар хотоос Орхон аймгийн чиглэлд 2 дахь болон 4 дэх өдөр, өдөрт нэг нийтийн тээвэр явуулахаар зохион байгуулалтыг хийсэн байна.

      **** Улаанбаатар хотоос албан томилолт болон хүндэтгэн үзэх шалтгаантай иргэд ирж байна. Үүнийг хязгаарлана. Хязгаарлалт тогтоосон хугацаанд Улаанбаатар хотоос зөвхөн Орхон аймгийн харьяат иргэнээ татан авна.

      *** Улаанбаатар хотоос орон нутагтаа ирэх иргэд PCR шинжилгээ өгсөн байх шаардлагатай.  Тээврийн төвөөс шинжилгээний хариуг үндэслэн нийтийн тээврээр зорчих тасалбар бичнэ.

      *** Халдвар тархаад байгаа Завхан аймгийн Шилүүстэй сум, Төв аймгийн Зуунмод сумаас ирэх хүсэлтэй Орхон аймгийн харьяат иргэн байвал тухайн аймгийн онцгой комисстой мэдээлэл солилцож,  PCR шинжилгээний хариуг үндэслэн татан авах асуудлыг шийдвэрлэнэ.

     *** Бусад ногоон бүс бүхий аймгаас зорчих хөдөлгөөн хийх боломжтой.

     **** Хот хоорондын такси үйлчилгээний хувьд Эрдэнэтээс Улаанбаатар чиглэлд зорчих такси аймгийн шуурхай штабд хүсэлт гаргаж тус хүсэлтийг үндэслэн Авто тээврийн төв захиалгын дагуу такси үйлчилгээг гаргах боломжтой.

    **** Бусад чиглэлийн такси үйлчилгээ  хэвийн явагдана.

    *** Үүнээс гадна дөрөвдүгээр сарын 1-ийг хүртэл олон нийтийг хамарсан үйл ажиллагаа, урлаг спортын тэмцээн, уралдаан, цуглаан зохион байгуулахыг хориглосон захирамж хэвээр үйлчилнэ.