Аймгийн Засаг даргын шуурхай зөвлөгөөний үеэр орлогч дарга А.Түвшинжаргал “ Бүрэнбүст багт дахь Дэлхийн зөн байгууллага байрлаж байсан байрыг бид алдлаа. Энэ асуудлыг яах вэ. Аймгийн ИТХ-ын тогтоолоор энэ байранд Хүүхдийн номын ордон байгуулахаар тогтсон. Гэтэл энэ байр одоо хувийн хэвшилд шилжлээ. Аймгийн ЗДТГ-ын Хууль зүйн хэлтэс гэж байдаг бол судлах хэрэгтэй байна. Газар нь төрийнх,  газар дээрх барилга нь хувь хүнийх байх юм уу. Дээр нь, өнөөдөр 7 дугаар хорооллын “Хуан лу Хуан тун” компанийн газрын төлбөртэй холбоотой 2.8 тэрбум төгрөгтэй холбоотой асуудал байна.  Аймгийн 7 га газрын төлбөр  болох 2.8 тэрбум төгрөг орох ёстой. Энэ асуудлын талаар ажиллах хэрэгтэй байна”  гэсэн юм.