Эрдэнэт хотын хэмжээнд  хоёрдугаар сарын 8-наас мөн сарын 15-ныг дуустал авто тээврийн хөдөлгөөнийг хязгаарлалт хийх шийдвэрийг аймгийн Онцгой комиссоос гаргасан билээ.

Маргааш буюу хоёрдугаар сарын 8, 10, 12, 14-ний өдөр автомашины улсын дугаар нь тэгш тоогоор төгссөн тээврийн хэрэгсэл замын хөдөлгөөнд оролцоно.

Харин хоёрдугаар сарын 9, 11, 13, 15-ний өдөр сондгой тоогоор төгссөн дугаартай тээврийн хэрэгсэл хотын хөдөлгөөнд оролцохоор журамлах юм байна.   

Аймгийн Онцгой комиссын гаргасан шийдвэрт эмнэлэг, онцгой байдал, тагнуул, цагдаагийн байгууллага, хог тээврийн хэрэгсэл  хамаарахгүй аж. Мөн байгууллагын ажилчдын унаа өглөө 07.00-09.00 цаг, орой 17.00-19.00 цагийн хооронд ажил-гэр гэсэн маршрутаар хөдөлгөөнд оролцох юм.