Арванхоёрдугаар сарын 18-н буюу өнөөдөр Ерөнхий боловсролын сургуулийн нэгдүгээр улирлын хичээл дуусч ирэх долоо хоногийн даваа гарагаас эхлэн сурагчид амарч эхэлнэ.

Цар тахлын улмаас нэгдүгээр улирлын хичээл танхимын болон цахим хэлбэрээр явагдсан. Сургууль төгсөх 12 дугаар ангийн сурагч, эцэг эх, багш нарын хувьд танхимын давтлага хийх, авах нь төгсөх ангийн сурагчдын хувьд тлүү ач холбогдолтой гэж үзэн сургууль дээрээ давтлага явуулахыг хүсч хүсэлт гаргаад байсан.  

Гэсэн ч Улсын онцгой комиссын дарга, шадар сайд  Я.Содбаатар “2021 оны нэгдүгээр сарын 1-н хүртэл танхимын давтлага өгөх боломжгүй” хэмээн мэдэгдсэн.  Суралцагч болон эцэг, эхчүүдийн хувьд теле хичээлийн чанарт эргэлзэж, тодорхой хэмжээний хоцрогдол үүсч байгаа учраас танхимын давтлагаар нөхөхийг хүссэн ч цар тахлын дэгдэлт, нөхцөл байдлаас шалтгаалан ийнхүү хойшилжээ. ЕБС-ийн сургуулийн сурагчид  2021 оны хоёрдугаар сарын 1-н хүртэл амрах юм.