“Эрдэнэт” сувиллын цогцолборын эмч, ажилтнууд үйлдвэрийн ХАБЭА-н хэлтсийн удирдлага дор ажилчдын автобусанд биеийн халуун үзэх, эрт илрүүлэх арга хэмжээг эрчимжүүллээ.
Өнөөдрийн байдлаар, ажилчдын 28 автобусанд 28 эмч, эмнэлгийн ажилтан, цагдаа, дотоодын цэргийн алба хаагчид хамтарсан үзлэг хийж, 1884 хүний биеийн халуун үзсэн бол шалган нэвтрүүлэх 1, 2-р постуудад 1016 хүнд хэмжилт хийж, нэвтрүүлсэн байна. Энэ үеэр халуурах, эрүүл мэндийн ямар нэг шинж тэмдэгтэй хүн илрээгүй гэдгийг Түргэн тусламжийн тасгийн эрхлэгч Ц.Батаа мэдээлэв. Үйлдвэрийн дүүрэгт “Эрдэнэт” сувиллын цогцолборын 16 ажилтан амны хаалт зүүх, гар ариутгах, биеийн халуун хэмжих зэрэгт хяналт тавьж, зөвлөмж өгөх, дүрэм зааврыг сахиулахаар жижүүрлэн, ажиллаж байна.
М.Балжинням
Фото Б.Баттөгс
