Уул уурхай, хүнд үйлдвэрийн яам, Эрдэнэт үйлдвэр, Нийгмийн ардчилал Монголын залуучуудын холбоо хамтран “Залуу инженерүүдийн үндэсний чуулган” салбар хуралдаан зохион байгуулж, нийт 300 гаруй залуу инженер үндэсний чуулганд оруулах саналаа солилцлоо.  Хуралдаанд оролцсон залуу инженерүүдтэй хамт Орхон аймгаас 200 гаруй инженер техникийн ажилтнууд ирэх мягмар гаригт “Залуу инженерүүдийн үндэсний чуулган”-д оролцсон юм.

Энэ үеэр Орхон аймгийн залуу инженерүүдийн  нийгэмд тустай, инженерийн шийдэл,  оновчтой саналыг тодорхойлох, улс орон нутгийн хөгжлийн алсын хараа, нийгмийн үйлчилгээний чанарыг сайжруулах, сайн туршлагуудыг түгээн дэлгэрүүлэх зорилгоор “Эрдэнэт шинэ бүтээл, оновчтой санал-2019” уралдааныг  "Энх Эрдэнэтийн Хөгжил” ТББ-ын тэргүүн Цогтын Бат-Энх санаачлан зарласан.

Цорын ганц “ШБОС”-ыг 10 сая төгрөгөөр урамшуулна

Хугацаа: 2019.12.01 18:00 цаг хүртэл

Хаяг: 5-7А байр, Бизнес хөгжлийн төв

Утас: 99908005, 91114821

“Энх Эрдэнэтийн Хөгжил” ТББ-ын тэргүүн Цогтын Бат-Энхийн санаачилгаар Эрдэнэтийн залуу инженерүүдийн дунд орчин үеийн техникийн хөгжил, технологийн дэвшилтэд төсөл хэрэгжүүлэх, тулгамдсан асуудлуудыг шийдвэрлэх, шинэ бүтээгдэхүн, үйлчилгээ бий болгох зорилгоор ШБОС-ын уралдаан зарлалаа. Төслийг 12-дугаар сарын 1-нийг хүртэл зарлалаа. Уралдаанд ирүүлсэн материалаас орон нутаг, үйлдвэрлэлд ашигтай цорын ганц бүтээлийг 12 дугаар сарын 11 буюу Эрдэнэт хотын өдрөөр шалгаруулж, 10 сая төгрөгөөр шагнаж урамшуулна.

Шинэ бүтээл, оновчтой санал нь үйлдвэрлэл, үйлчилгээний газруудын технологи, үйл ажиллагааг сайжруулах, иргэдийн амьдрах таатай орчин, нөхцлийг бүрдүүлэх, шинээр үйлдвэрлэл, үйлчилгээ бий болгоход чиглэгдсэн байх, эдийн засгийн үр ашигтай, импорт орлох, экспортод чиглэх боломжтой байх Бүтээлийн хийц, загвар нь гадаад өнгө үзэмж, бүрэн шийдэлтэй байх шаардлагатай.

Материалыг 2019.12.01.-ний өдрийн 18:00 цаг хүртэл 5-7А байр, Бизнес хөгжлийн төвд хүлээн авах бөгөөд бүтээлийн товч танилцуулгыг А4 хэмжээтэй 2-6 хуудсанд багтаан боловсруулсан, инженерийн тооцоо, зураг, төсөв, хэрэгжүүлэх график, төлөвлөгөө, оролцогчдын их, дээд сургууль төгссөн диплом, иргэний үнэмлэхний хуулбар хавсаргасан, бүх материалуудыг хавтасласан байх, мөн биет бүтээлийн жижигрүүлсэн загвар, макет ирүүлж болно.

Эрдэнэт хотын хөгжлийн төлөө, хэнтэй ч хамтарч ажиллах

Энх Эрдэнэтийн Хөгжил ТББ