АНУ-ын Охояа мужийн Ротари клубтэй хамтран энэ оны тавдугаар сард Бат-Өлзийн Бат-Эрдэнийн санаачлагаар Ерөнхий боловсролын сургуулиудад 2000 нэр төрлийн, 30 орчим сая төгрөгийн үнэ бүхий Англи хэл дээрх номыг хандивлаж байсан билээ.

Тэгвэл энэ удаад автоспорт сонирхогч “XBoost “ клубтэй хамтран цэргүүдэд номын бэлэг барихаар шийджээ. Цэргийн ангийн номын санд сонгодог, уран зохиолын ном ховор байдаг бөгөөд ихэвчлэн сурган хүмүүжүүлэх ном байдаг аж. Тиймээс есдүгээр сарын 5-ны өдөр “Нэг цэрэг, Нэг ном” аяныг зохион байгуулж цэргийн ангиудад нийтдээ 330 орчим номыг Бат-Өлзийн Бат-Эрдэнийн номын сангаас хандивлахаар болжээ.

Мөн энэ үеэр Эрдэнэт хотын V сургуулийн Солонгос хэлний тэнхимд Сөүл хотын дарга Пак Вон Сүний бэлэглэсэн 300 гаруй Солонгос хэл дээрх номыг гардуулан өгөх юм байна.