“Эрдэнэт үйлдвэр” ТӨҮГ энэ хаврын мод тариалалтыг Баян-Өндөр уулын энгэрт үргэлжлүүлж байна. Өнөөдөр тус үйлдвэрийн Байгаль орчин, ногоон хөгжлийн хэлтсээс Баян-Өндөр уулын Хүрэнбулагийн аманд 400 ширхэг шинэс мод тарих ажлыг зохион байгууллаа. Эрдэнэтчүүдийн амралт, алхалтын гол замын хоёр талаар мод тарьж буй нь энэ газрын ойр орчмыг дүйцүүлэн хамгаалах зорилготой юм. Мод тарих ажилд Эрдэнэт үйлдвэрийн Автотээврийн цех, Дулааны цахилгаан станц, Ус хангамжийн цех зэрэг найман цехийн ажилтнууд оролцлоо.
Эх сурвалж “Erdenettoday.mn”
