Монгол улсын хэмжээнд 14 дэх удаагаа тэмдэглэж байгаа “Дэлхийн гэр бүлийн өдөр”-ийн хүрээнд болж буй “Аз жаргалтай гэр бүл” жагсаалд “Эрдэнэт үйлдвэр” ТӨҮГ-ийн ажилчид нэгдлээ.

Эрдэнэтийн төв гудамжаар жагсаж, Амарын талбайд болсон цуглаан хүртэл үргэжлилсэн энэхүү жагсаалд уурхайчид “Миний аз жаргал-Миний гэр бүл”, “Аз жаргалыг хайх биш бүтээх хэрэгтэй”, “Гэр бүлд ээлтэй Эрдэнэт”, “Хүүхдүүдээ бахархан дууриах эцэг эх нь байя”, “Та л өөрийн гэр бүлийн төлөө зогсоно” уриан дор нэгдэн жагссан юм.