Энэ жилийг бүтээн байгуулалтын жил болгон зарласан. Үүний дагуу барилга, зам засварын ажлууд хуваарийн дагуу явагдаж байгаа юм. Их барилгын 31 аж ахуйн нэгж 16.6 тэрбум төгрөгийн барилга угсралт, их засварын ажлыг 53 обьектод хийж гүйцэтгэсэн байна. Уг бүтээн байгуулалтын 39.4 хувь буюу 6.5 тэрбум төгрөг нь их засварын ажил юм. Гүйцэтгэсэн ажлын дүн өнгөрсөн оны мөн үеэс 2.1 дахин нэмэгдсэн үзүүлэлттэй байна.  Мөн орон нутгийн төсвийн хөрөнгөөр 27 объектод 6.5 тэрбум төгрөгийн барилга угсралт, их засварын ажлыг гүйцэтгээд байгаа юм. Л.Гэрэл