ОРХОН АЙМГИЙН ЗАСАГ ДАРГЫН ДЭРГЭДЭХ ГАЗРЫН ХАРИЛЦАА, БАРИЛГА ХОТ БАЙГУУЛАЛТЫН ГАЗРЫН ДАРГЫН АЛБАН ТУШААЛД ТОМИЛОГДОХ АЖИЛТНЫ СОНГОН ШАЛГАРУУЛАЛТЫГ ЗАРЛАЖ БАЙНА. Нэг.Сонгон шалгаруулалтын зорилго 1.Төрийн албан тушаалд тавигдах шаардлагыг хангасан, төрийн албаны зорилт, чиг үүргийг мэргэшлийн өндөр түвшинд хэрэгжүүлэх удирдах ажилтныг шилж сонгоход оршино. Хоёр. Сонгон шалгаруулалтын тухай а.Сонгон шалгаруулалтыг Монгол улсын Төрийн албаны тухай хуулийн 17 дугаар зүйл, 35 дугаар зүйлийн 35.1.6 дэх хэсгийг баримтлан Улсын Их Хурлын 2003 оны 13 дугаар тогтоолоор баталсан ”Төрийн жинхэнэ албаны удирдах албан тушаалд томилогдох ажилтныг сонгон шалгаруулах журам”-ын дагуу 2014 оны 9 дүгээр сарын 10- ны өдөр зохион байгуулна. б.Сонгон шалгаруулалтад орох иргэд нь Төрийн албаны тухай хуулийн 10.1-д заасан ерөнхий шаардлага болон томилох эрх бүхий этгээдийн баталсан ажлын байранд тавигдах дараах шаардлагыг хангасан байна. Үүнд: Ажлын байранд тавигдах шаардлага Боловсрол Мэргэжил Туршлага Ур чадвар Дээд боловсролын бакалавр Газар зохион байгуулагч инженер, барилгын инженер, менежмент Мэргэжлээрээ 2-аас доошгүй жил ажилласан байх Асуудал дэвшүүлэх, журам,заавар, аргачлалыг боловсруулах, мэрэгжил арга зүйн зөвлөлгөө өгөх, дүгнэлт гаргах, удирдан зохион байгуулах, компьютерийн хэрэглээний болон газар зүйн мэдээллийн системийн програм хангамжийг эзэмшсэн байх, багаар ажиллах, зөв үнэлэх ур чадвартай байх Гурав.Бүртгэл. Сонгон шалгаруулалтад орохыг хүссэн иргэдийг 2014 оны 9 дүгээр сарын 8,9-ний өдрүүдэд 9.00-12.00, 14.00 -17.00 цагийн хооронд аймгийн Засаг даргын Тамгын газарт бүртгэнэ. Бүртгэхдээ шалгалтад орохыг хүссэн иргэний биеийн байцаалт, бусад холбогдох материалыг Төрийн албаны тухай хууль, журамд заасан төрийн жинхэнэ албан тушаал эрхлэх болзол, тухайн албан тушаалд тавигдах ерөнхий шаардлагатай харьцуулан нягтлан шалгаж, уг болзол, шаардлагыг хангаж байгаа иргэдийг бүртгэнэ. Иргэд бүртгүүлэхдээ дараах бичиг баримтыг биедээ авч ирнэ 1.Төрийн албан хаагчийн анкет 2.Иргэний үнэмлэхний эх хувийг хуулбарын хамт 3.Дээд боловсролын дипломын эх хувийг хуулбарын хамт /Хуулбар заавал нотариатаар баталгаажсан байх/ 4.Ажил байдлын тодорхойлолт 5.Ажилласан жилийг тооцох Хөдөлмөрийн болон нийгмийн даатгалын дэвтрийн эхний нүүр хуудсыг хөдөлмөрийн үйл ажиллагааны хөдөлгөөнийг баталгаажуулсан бусад хуудасны хуулбар, эх хувийн хамт /ажилласан жилийг тооцох тул хөдөлмөрийн үйл ажиллагаагаа хөдөлмөрийн болон нийгмийн даатгалын дэвтэрт бичигдсэн он, сар, өдрөөр нь нарийвчлан бичиж бэлтгэж ирэх/ 6.4х3-ийн хэмжээтэй 2 хувь цээж зураг. /1 ш нь анкет дээр наагдсан байх/ Дээрх материалыг дутуу бүрдүүлсэн иргэнийг бүртгэхгүй. Харилцах хаяг: Орхон аймгийн Засаг даргын Тамгын газрын 214 тоот өрөө, утас 70359194, 70350778 ОРХОН АЙМАГ ДАХЬ ТӨРИЙН АЛБАНЫ ЗӨВЛӨЛИЙН САЛБАР ЗӨВЛӨЛ