Аймгийн ИТХ-ын 2022 оны 01/03 тоот “Баг байгуулах тухай” тогтоолын хүрээнд ирэх оны нэгдүгээр сарын 2-ноос эхлэн Баян-Өндөр суманд шинээр 4 багийг нэмж байгуулахаар болсон. Шинээр байгуулах дөрвөн багийн төсөв, хөрөнгө мөнгөний асуудлыг аймгийн ИТХ-ын энэ оны 12 дугаар сарын 1-ний хуралдаанаар хэлэлцэж баталсан.
Хүн амын өсөн нэмэгдэж буй нөхцөл байдал, багийн иргэдэд төрийн үйлчилгээг хүргэх зорилго зорилтын хүрээнд Баян-Өндөр сумын Цагаанчулуут багийг хувааж шинээр Найрамдал, Чандмань багийг байгуулсан. Мөн Эрдэнэ багийг хувааж Чингэл, Яргуйт багийг хувааж Баян-Овоот багийг тус тус байгуулсан юм.
Баян-Өндөр сумын ЗДТГ-аас өнгөрөгч амралтын өдөр буюу арванхоёрдугаар сарын 10-нд шинээр байгуулагдаж буй Чингэл, Баян-Овоот, Найрамдал, Чандмань багийн Иргэдийн нийтийн хурлыг хуралдуулж багийн Засаг дарга нарыг сонгосон байна. Хууль тогтоомжид орсон өөрчлөлтийн хүрээнд Багийн Засаг даргыг сонгоход тухайн багийн 5 өрх тутмаас 1 өрхийн төлөөллийг оролцуулах зарчмаар багийн ИНХ-ыг хуралдуулж багийн Засаг даргыг сонгож, батламжлуулахаар Баян-Өндөр сумын Засаг даргад өргөн бариад байгаа аж.
Энэ талаарх мэдээллийг Баян-Өндөр сумын Засаг дарга Б.Баасансүрэн аймгийн Засаг даргын Шуурхайд өглөө..
