Сонгуулийн ерөнхий хорооны мэдээллээс харвал энэ удаагийн сонгуульд Орхончуудын олонхи нь МАХН-аас нэр дэвшигч Сайнхүүгийн Ганбаатарыг илүүтэй дэмжжээ. Аймгийн хэмжээнд 43 хэсгийн хороо ажиллаж дүнг СЕХ-нд илгээсэн байдлаас харвал орхончуудын санал өгсөн нийт сонгогчдын 42.82 хувь болох 18451 сонгогч саналаа МАХН-аас нэр дэвшигч С.Ганбаатарт өгсөн байна.
АН-аас нэр дэвшигч Х.Баттулгын хувьд Орхон аймгаас 14771 саналыг өөртөө татаж чаджээ. Түүнд манай аймгийн нийт сонгогчдын 34.28 хувь нь түүнийг дэмжсэн байна. Харин энэ удаад хамгийн бага саналыг МАН-аас нэр дэвшигч М.Энхболд ердөө 9863 санал буюу 22.89 хувийн санал авчээ. Харин аймгийн хэмжээнд Баян-Өндөр, Жаргалант сумын сонгуулийн хэсгийн хорооны дүнгийн талаар аймгийн Сонгуулийн хороо албан ёсны мэдээлэл хийгээгүй байна.
[sgmb id="1"]
