Өнгөрсөн долоо хоногт Ерөнхий боловсролын сургууль төгсөгчдийн элсэлтийн ерөнхий шалгалт орон даяар эхэлсэн. Их дээд сургуульд элсэн суралцах элсэлтийн ерөнхий шалгалтын дүн 7-р сарын 1-ний өдөр гарна. Дараагийн өдрөөс нь эхлэн их, дээд сургуулиудын хуваарь сонголт үргэлжлэх юм. Орхон аймгийн хэмжээнд их дээд сургуульд элсэн суралцах элсэлтийн ерөнхий шалгалт өгөх 1500 хүүхэд бүртгүүлсэн байна. Үүний 95 хувь нь шалгалтанд оржээ. Орон даяар 6-р сарын 14-18-ныг хүртэл үргэлжилсэн ЭЕШ-ийн үеэр ноцтой зөрчил, гомдол ирээгүй байна. ЭЕШ-ийн дүн 11 хоногийн дараа гарна гэдгийг БСУГ-аас мэдээллээ. Монгол хэл, уран зохиолын босго шалгалтаар эхэлж, төгсөгчид мэргэжил сонголтоос хамаарч 10 хичээлийн шалгалтыг өгсөн байна. БСШУСЯ-нд хоёр өргөдөл хүргүүлсэн байна. Учир нь шалгалтын вариантыг буруу бичсэн болон харандаагаар даалгаврыг гүйцэтгэсэн алдаа гарсан тул өргөдөл өгчээ. Энэ жилийн ЭЕШ-нд сонсох даалгавар ирсэн нь онцлог байсан аж. Сургуулиудад засварын ажил эхэлсэн байна. Аймгийн Засаг дарга засварын ажлыг цагт нь хийж хүлээлгэн өгөхгүй бол дахин хамтран ажиллахгүй гэдгийг санууллаа. Улсын болон орон нутгийн хөрөнгө оруулалтаар хийгдэж буй засвар тохижилтын ажлыг БСУГ-аас танилцууллаа. Эрдэнэ багийн 340 хүүхдийн сургууль, 2-р сургуулийн дотоод засвар, 3-р сургууль, Жаргалант сумын 3-р цэцэрлэгийн засварын ажлууд эхэлсэн байна. Чөлөөт цагийн талбай дэд хөтөлбөрт туссанаар ерөнхий боловсролын 2, 7, 13-р сургуульд биеийн тамирын талбай, “Орхон” цогцолборт хөл бөмбөгийн талбай тохижуулахаар болжээ. [sgmb id="1"]