Иргэдээс ирсэн санал, гомдолд “Сургалт, хүмүүжлийн арга хэмжээ зохион байгуулахдаа сургуулийн хүүхдүүдээс мөнгө хураах асуудлыг таслан зогсоох арга хэмжээ авч, тавих хяналтыг сайжруулж өгнө үү” хэмээн түлхүү хандсан байдаг. Энэ талаар холбогдох албаныхан тодорхой ажил хийж түүнийгээ иргэдэд хүргэжээ. Боловсрол, соёл, шинжлэх ухааны сайдын “Хураамж авахыг хориглох тухай” 2008 оны 98 дугаар тушаал, аймгийн Боловсролын газрын даргын 2014 оны “Бэлэн мөнгө хураахыг хориглох тухай” 55 дугаар тушаалыг тус тус хэрэгжүүлэх, хэрэгжилтэнд хяналт тавьж ажиллахыг бүх сургууль, цэцэрлэгийн удирдлагуудад мэдэгдэн үүрэг өгч, хэрэгжилтийг хянан ажилласан байна. Мөн төгсөлтийн арга хэмжээг зохион байгуулахтай холбогдуулан аймгийн Засаг даргын захирамж гаргуулж эцэг эхчүүдэд хууль эрх зүйн хүрээнд сургалт, сурталчилгаа хийх чиглэлээр ЕБС-ийн удирдлагуудад чиглэл хүргүүлсэн. Дээрх чиглэлээр иргэдээс ирүүлсэн өргөдөл гомдлыг цаг хугацаанд нь хүлээн авч үндэслэлгүй хураасан мөнгийг эцэг эхэд буцаан олгосон байна. Мөн Яргуйт багийн иргэдээс багийн болон, цагдаа, өрхийн эмнэлгийн нэгдсэн байртай болох асуудлыг хөндсөн. Одоогийн байдлаар төсвийн боломжгүй байдлаас шалтгаалан 2017 онд Яргуйтад багийн болон цагдаа, өрхийн эмнэлгийн нэгдсэн байрны асуудал төлөвлөлтийн байдалтай байгаа аж Яргуйт, Даваат, Уртын гол багуудыг хамруулан хэсэгчилсэн ерөнхий төлөвлөгөөг мэргэжлийн байгууллагаар гүйцэтгүүлэхээр зургийн тендер зарлагдсан байна. Уг ажил хийгдсэнээр дэд бүтцийн асуудал үе шаттайгаар шийдвэрлэгдэх боломж бүрдэх ажээ. [sgmb id="1"]