Аймгийн Засаг даргын иргэдтэй хийсэн уулзалтын үеэр Бүсийн оношилгоо эмчилгээний төвийн эмч, эмнэлгийн ажилтнуудын зан харилцаа, ёс зүйн талаар иргэдээс багагүй санал, гомдол ирсэн байдаг. Үүний хүрээнд аймгийн ЗДТГ-ын Нийгмийн хөгжлийн бодлогын хэлтэс, Эрүүл мэндийн газар, БОЭТ-ийн захиргаа санаачлан тодорхой ажил зохион байгуулжээ. Тухайлбал, эмч, эмнэлгийн ажилтнуудын зан харьцаа, ёс зүйн асуудалтай холбоотой иргэдээс гарсан санал, гомдлыг сар бүр эмч нарын яриа, шуурхайд танилцуулж эхэлсэн байна. Мөн ЭМГ, БОЭТөв, “Эрдэнэт сувилалын цогцолбор”, “Медипас” зэрэг эмнэлгийн ажилтнуудад “Байгуулагын ёс зүй, харьцаа, хандлага” сэдвээр сургалт зохион байгуулж нийт 358 хүнийг хамруулсан аж. АШУҮИС-иас зохион байгуулсан багш, шавийн эрдмийн уулзалтын хүрээнд эмч, эмнэлгийн мэргэжилтнүүдэд “Эмч, эмнэлгийн мэргэжилтний харьцаа, хандлага”, “Багаар ажиллах нь амжилтын үндэс”, “Мэргэжлийн ёс зүйд суралцах пирамид” сэдэвт сургалтанд эрүүл мэндийн салбарын 520 эмч, эмнэлгийн ажилтанг хамруулаад байна. Үүний зэрэгцээ эрүүл мэндийн байгуулагуудын талаарх тусламж үйлчилгээ, үйлчилгээний соёл, эмч мэргэжилтнүүдийн ёс зүйн талаар санал хүсэлтийг байгууллагын цахим хуудсаар шууд авах боломжийг өнгөрсөн хугацаанд бүрдүүлжээ. Эмнэлгийн ажилтны ёс зүй, харьцаа хандлагатай холбоотой ирсэн хоёр гомдлын мөрөөр холбогдох хяналт шалгалт хийж чанарын хурлаар хэлэлцэн хоёр эмчид цалин бууруулах, хоёр сувилагчид сануулах арга хэмжээг авсан байна.            Эмнэлэгт хэвтэн эмчлүүлэгсдийн орны дараалал хүлээх чирэгдлийг багасгах талаар ч холбогдох газруудаас зохион байгуулалтын арга хэмжээ авч ажиллаж байгааг мэдээллээ. Иргэдийн хувьд хамгийн ихээр хэвтэн амчлүүлэхийг хүсдэг, хамгийн их хүлээлт үүсгэдэг газар бол БОЭТ-ийн Дотрын тасаг. Дотрын тасгийн энэхүү хүлээгдлийг бууруулахын тулд хувийн хэвшлийн ортой эмнэлгүүдэд ачаалал хуваалцах талаар хувийн хэвшлийнхэнтэй хамтран ажиллаж байна. Мөн Хүүхдийн тасгийн өргөтгөлийн барилга баригдсаны дараа Хөнгөвчлөх, Уламжлалт эмчилгээний тасаг байгуулахаар Эрүүл мэндийн газар, БОЭТ-өөс төлөвлөж байна. [sgmb id="1"]