Анжелина Жоли уйлалаа Жүжигчин Анжелина Жоли Лондонд болсон зэвсэгт мөргөлдөөний явцад гарч байгаа бэлгийн хүчирхийллийн эсрэг дэлхийн дээд хэмжээний уулзалтанд оролцож уг арга хэмжээг нээн үг хэлсэн. Харин энэ үеэрээ мөн Анжелина Жоли уйлсан байна. Тус чуулган, Лондонд дөрвөн өдрийн турш үргэлжлэх бөгөөд, дэлхийн улс орны сайдууд болон төрийн бус байгууллагын төлөөлөгчид оролцож байгаа аж. Жоли Конго, Судан гээд иргэний дайн, зөрчил мөргөлдөөнтэй мужид амьдардаг эмэгтэйчүүдийг армийн цэргүүд бас босогчид хүчирхийлдэг гэдгийг сонсоод нулимсаа барьж дийлээгүй байна. Харин Анжелина Жоли “BBC”-д өгсөн ярилцлагандаа “Үүнийг үгээр тайлбарлахын аргагүй юм. Бүсгүй энэ аймшигт үйл явдлыг өөрийн биеэр туулж гарсан гэхэд үнэхээр итгэмээргүй. Гайхалтай зоригтой бүсгүй” гэсэн байна. эх сурвалж: new.mn