“Эрдэнэт үйлдвэр” ХХК дотоод сүлжээнээсээ “Erdenetnews.mn” сайтыг хаалгасан талаар уншигчид манай сайт руу мэдээлж байна. Манай сайт өнгөрсөн 7 хоногт “Д.Даваасамбуу Эрдэнэт үйлдвэрт хагас тэрбум төгрөгийн хохиролтой гэрээ байгуулжээ” баримттай материал нийтэлсэн юм. Уг нийтлэл цацагдсан өдөртөө 12 мянга гаруй уншигч уг мэдээллийг уншсан статистик үзүүлэлт гарчээ. Дээрх эрэн сурвалжлах нийтлэлээс шалтгаалж, үйлдвэрийн ажилчдын эрхэнд ийнхүү халдсан гэж ойлгогдохоор байна. Хүний мэдээлэл авах эрхэнд бүдүүлгээр халдсанд гомдолтой байгаагаа “Эрдэнэт үйлдвэр”-ийн ажилчид бидэнд ирүүлсээр байгаа юм. Бид энэ талаар үйлдвэрийн албаны хүмүүсээс мэдээлэл авч, эргэн мэдээлэх болно.
[sgmb id="1"]
