Байнгын оршин суух ийм хаягтай “сайн эрчүүл” Эрдэнэт хотод мэр сэр байдаг ажээ. Хүмүүсийн орчинд, нийгэмшүүлэх гээд гаргахлаар гурав, дөрөв хоноод л аймгийн Цагдаагийн газрын саатуулах байранд эргээд ирдэг аж. Дулаан байранд, идэх хоолтой тэр газарт байнгын үйлчлүүлэгч болсон иргэд байхын зэрэгцээ жилийн 12 сарын арван сарыг нь тэнд өнгөрүүлдэг нөхөр ч байгаа тухай аймгийн Цагдаагийн газраас мэдээллээ. [embed]http://erdenetnews.mn/wp-content/uploads/video/2017-1-16-Enkhbayar.mp4[/embed] Хамгийн гол нь “сайн эрчүүд”-ийн ажлын байр, амьдрах орчин болсон тэдний хувьд Саатуулах байр стандартын шаардлага хангахгүй байгаа учраас аймгийн Прокурорын газраас хаах шаардлага тавиад байгаа аж. УИХ-аар өнөө маргаашгүй “Цагдаагийн албаны тухай хууль”-д өөрчлөлт оруулах гэж байгаа. Хуульд өөрчлөлт орсноор эрүүлжүүлэх байр эмнэлэгт бус эргээд цагдаад ирнэ. Иймээс Аймгийн Цагдаагийн газрын зүгээс төв байрныхаа хонгилыг стандартын шаардлага хангасан “Эрүүлжүүлэн саатуулах байр” болгон өөрчлөхөд шаардлагатай 50 сая төгрөгийн хөрөнгийн эх үүсвэр хэрэгтэй байгаа тухайгаа орон нутгийнхаа удирдлагад саналаа хүргүүлж байгаа ажээ.