Аймгийн Цагдаагийн газрын дарга Д.Энхбаяр шинэ жилийн үеэр цагдаагийн газраас хэрхэн ажилласан талаар мэдээлэл хийлээ. Тэрбээр хэлэхдээ, “аймгийн Засаг даргаас өгсөн үүрэг даалгаврын дагуу цагдаагийн алба хаагчид аливаа асуудалд торгох, шийтгэхийг урьтал болгож ажилласангүй. Баярын үеэр ноцтой гэмт хэрэг, зөрчил гараагүй. Энэ хугацаанд цагдаагийн алба хаагчид биеэ авч чвах чадваргүй болсон 42 иргэнийг ар гэрт нь хүлээлгэн өглөө. Баярын өдрүүдээр эрүүлжүүлэх байраар 92 иргэн үйлчлүүллээ. Согтуугаар тээврийн хэрэгсэл жолоодох явдал харьцангуй бага гарсан. Баярын өдрүүдэд 12 хүн согтууруулах ундааны зүйл хэрэглэсэн үедээ жолоо барьсан байна. Хамгийн сонирхолтой нь баярын өдрүүдээр Улаанбаатараас бүлэглэн хулгай хийдэг этгээдүүд ирсэн. Бүр хоёр ч бүлэг ирсэн. Нийслэл хот бүрэн камержсан учраас хулгайчид гишгэх газаргүй болоод хөдөө, орон нутгийг зорих болсон гэнэ. Баярын өдрүүдээр хулгайчид лангууны араас 4 сая төгрөг хулгайлсан хэрэг гарсныг манайхан илрүүлсэн. Бас хоёр эмэгтэй, гурван эрэгтэй нийлээд автомашин хөлөглөн хулгай хийснийг камерын тулсамжтайгаар илрүүллээ. Цаашдаа бид иймэрхүү хулгайн төрөл дээр анхаарлаа хандуулна” гэв. [sgmb id="1"]