Долоо хоног бүрийн эхний өдөр, даваа гарагийн 11.00 цагт эхэлдэг аймгийн Засаг даргын энэ оны отгон шуурхай хуралдаан болов. 2017 оны шуурхай зөвлөгөөн отголохын өмнө аймгийн ЗДТГ-ын байр руу “Зэс эрдэнийн хувь” компанийн хувьцаа эзэмшигчид дайран орж, улмаар эд хөрөнгө хагалан, эвдэж сүйтгэсэн нь отгоy шуурхайг цагтаа эхлэхэд хүндрэл учруулсан юм. Аймгийн цагдаагийн газрын бие бүрэлдэхүүн ЗДТГ-т ажиллаж улмаар гадна орчинд хамгаалалт гаргасан байв.          Энэ удаад аймгийн Засаг дарга албан томилолттой, Эрдэнэтэд байхгүй тул түүний орлогч А.Түвшинжаргал шуурхайг удирдсан. Нохой устгал нэг л биш ээ         Ингэж хэлэх үндэслэл байна. Долоо хоног бүрийн аймгийн Засаг даргын шуурхай дээр Хотын захирагчийн албаны дарга Б.Батжаргал нохой устгалын талаар мэдээлэл хийдэг. Уг нь Хотын захирагчийн алба золбин нохой устгадаггүй. Хот тохижуулах газар, “Эрдэнэт ус” ОНӨҮГ-ын долоо хоногийн хийсэн ажлын талаарх мэдээллийг Б.Батжаргал дарга шуурхайд мэдээлдэг үүрэгтэй. Өнөөдөр л гэхэд Б.Батжаргал даргын мэдээллээс харвал өнгөрсөн долоо хоногт аймгийн хэмжээнд 184 нохойг уламжлалт буудан хороох аргаар устгаж, таван нохойг устгахаар иргэдээс худалдан авсан аж. Ер нь долоо хоногт 140-190 нохой устгадаг ч Эрдэнэтийн хэмжээнд эзэнгүй нохой өдрөөс өдөрт нэмэгдэж байгаа. /Нохойг хэдэн төгрөгөөр устгадаг, урамшуулалд нь хэдэг төгрөг өгдөг тухай мэдээлэл байхгүй./ Тэгэхлээр Хот тохижуулах газраас гаргаж байгаа алж, устгасан нохойны тоо өсгөсөн дүн үү, үнэхээр долоо хоногийн дотор 190 хүртэл нь хядаад байхад эзэнгүй, гудамжны ноход дуусахгүй байгааг юу гэж ойлгох вэ. Хот тохижуулах газрынхан ч нохойг алах гэж инээдэм гэхээсээ илүүтэй ханиадам болмоор зүйл хийдэг. Тухайлбал, нохойгоо устгуулах захиалга өгтөл нохой устгалынхан өөр айлын нохойг буудаад алчихсан тохиолдол байнга биш ч мэр сэр гардаг, Саяхан л гэхэд Их залуу багийн нутагт айлын хүзүүвчтэй, улаан пайзтай нохойг дагуулж явсан хүүхдээс нь холдуулж байгаад хашааных нь үүдэн дээр буудаад цус, нөжийг нь урсгаад ачаад явжээ. Хүү нохойны уяа нь алдуурсан тул аав ээждээ хэлэхээр арынхаа гудамж руу нохойгоо дагуулаад явж байтал ийм хэрэг болсон байна. Хот тохижуулах газрын дарга Б.Оюунбаяр ажлаа аваад багагүй хугацаа өнгөрсөн ч хийсэн ажил нь олонд харагдахгүй байгаа. Өмнөх дарга Р.Рагчаа ажлын хувцастайгаа л гудамжинд, хог ачилт дээр зогсдог байсныг Эрдэнэтчүүд мэр сэр үгүйлж байгааг нуух юун. Гэтэл Б.Оюунбаяр дарга намын нэрээр, аймгийн ИТХ-ын төлөлөөгчийн эрх ямбаар энэ суудалд суучихаад нэг их том дарга сэтэртэй эрхэм хийсэн ажил маруухан байдаг нь ойрын үед аймгийн Засаг даргын шуурхай дээр яригдаж байсан. Долоо хоногийн өмнөх шуурхай дээр Засаг дарга Д.Батлут “Оюунбаяр дарга аа гэр хорооллын замын цас цэвэрлэгээний ажил маш муу байна. Цаг агаар тогтуун байгаа үед гэр хороолын замынхаа цасыг цэвэрлэчихээч. Дахиад цас ороход амар хялбар байх биш үү. Та хотын төвийн замыг намайг хараг гээд цасыг нь цэвэрлүүлдэг юм уу. Гэр хороололд ч иргэд амьдардаг юм шүү. Иргэний төлөө үйлчилдэг төр гэж байхаас төрийн төлөө төрдөг иргэн гэж байхгүй. Лхагва гараг гэхэд гэр хороолын замын цас цэвэрлэх ажлыг дуусга. Эргэж мэдээл” гэдэг үүрэг өгсөн. Өнөөдрийн шуурхай дээр Д.Батлут даргын үүрэг гэр хороолын замын цэвэрлэгээг хийх даалгаврын биелэлтийн талаар мэдээлэл хийгдсэнгүй. Энэ оны отгон шуурхай дээр Засаг даргын орлогч С.Батжаргал “Нохой устгалын ажил яаж явагдаад байна аа. Гадуур золбин нохой их байна. Ялангуяа өглөө эрт, орой хичээл сургуульдаа явах, тарах үеэр золбин ноход сүрэглэн яваа нь Зээлээс, Булаг, Баянбулагаас хотын төв рүү сургуульд явдаг хүүхдүүдийн хувьд айдастай байна. Энэ тал дээр анхаарлаа хандуулаач, Оюунбаяр дарга аа” хэмээн анхааруулж байхав. Б.Оюунбаяр даргын хувьд гар утсаа авна гэж байхгүй. Танихгүй дугаар байна гээд авдаггүй юм уу. Аль эсвэл Хот тохижуулах газрын даргын үүрэгт “Өөрийн таньж мэддэг болон МАН-ын гишүүн, идэвхтэн дэмжигчтэй л гар утсаар харьцаж холбогдоно” гэж заачихаагүй байлтай. Аймгийн ИТХ-ын төлөөлөгч, 200 гаруй хүнтэй, жилдээ 2 тэрбум төгрөгийг захиран зарцуулах эрхтэй гэдэгтээ эрдээд өөр лүү нь залгасан танихгүй дугаарыг авахыг тээршаадаг ийм дарга Хот тохижуулах газрыг удирдлагаар хангах, нохой устгал хоёрт нэг л авцалдаж өгөхгүй юм. Тэгээд ч манай аймаг 2015 онд хоёр, гурван зуун сая төгрөгөөр нохой, мууранд спираль тавих ажил хийсний үр дүн өнөөдөр лав харагдсангүй. Яг үнэндээ Эрдэнэт хот өнөөдөр зохиолч, сэтгүүлч Г.Төрмөнхийн “Нохойн орон” кинон дээр гардаг шиг “Нохойн хот” болчих гээд байна. [sgmb id="1"]