Бурхан долоон од 2016-11-02 21.20 Хөхрөх огторгуйгаас эрчис буугаад туяарлаа Хөхөлбөр туяа татаад Монгол нутагт минь буулаа Хөлгөн их судруудын халуун амь сэрлээ Хөх өвгөдийн ухаан үрсийнхээ заяанд аслаа Дуу хуурын өлгий Монгол сайхан нутагт минь Дулаан сэтгэлт түмний минь ухааныг хурцлаад буулаа Хотлыг цэнгээх нандин сайхан бүхэн Холын холд гэрэлтэх долоон одноос асгарлаа Сарны цагаан туяа онгодыг минь хөглөөд байна Сайхан долоон од эрчийг минь нэмээд байна Үрсээ өргөж тэтгэдэг ухаант өвгөд минь баясаад байна Өндөрт манддаг долоон од өнгө хоршин гялалзаад байна Сүү мэт асгардаг туяанд нь Сүлд хийморь сэргэж алаг зүрхэн цохилоод байна Сүүдэрт саарал орчлонгийн хир буртгийг арчиж Сүслэн залбирдаг түмний минь заяаг өргөж мандаад байна Одтой азтай түмний минь төвшин сайхан заяа Орчлонг хайраар дэлгэрүүлэх тунамал хаш оюун Эрхэс тэнгэрт мандсан төгөлдөр оддоос хөглөгдөж Энгүй хөх огторгуйд эрчис болон түгэг Сартай орчлонгийн чимэг болсон долоон бурхан од минь Сайхан бүхнийг хөглөх хүчтэй гэрэлт цагаан солонго минь Өвгөд дээдсийг минь өргөсөн өнгөлөг цагаан эрчис минь Өнө мөнхөд бадамлах оюуны их ундраа минь Нялх балчир үрсийн минь дэлгэр ухааныг мандааж Номт гэгээн дээдсүүдийн минь мэргэн ухааныг хөглөж Одот хөх огторгуй минь ивээлээ түмэнд минь хайрла Орчлонг залах их хүчийг нь сэрээж бататгаж хайрла Дэлхийг залах их ухааныг нь сэрээж хайрла Дээрээ тэнгэртээ орчлонг таниулж ухааруулж хайрла Сайхан хөг бүхнийг амин сүнсэнд нь сэрээж Саруул гэгээн оюуныг түмэн олонд минь хайрла Бурхан долоон од минь ивээлээ хайрла Баяр баясал бүхнээр хөглөж хайрла Ус булаг бүгдийг минь хамгаалж хайрла Уудам тал нутагт минь энэрэл ивээлээ хайрла Долоон сайхан од минь ивээлээ хайрла Домогт Хөх түмнийг минь эрчсээр тэтгэж хайрла Доор дээрийн ялгааг арилгаж ивээж хайрла Дууны цагаан хадаг Монгол түмэнд минь ивээлээ хайрла Өтөл буурлуудад эрч хайрла Өнчин ядуусыг тэтгэж хайрла Сансар хорвоогоос сайныг хөглөж хайрла Саруул мэргэн түмний минь оюуны мэлмийг нээж хайрла Халдах дайсан бүгдээс түмнийг минь хамгаалж хайрла Хал үзүүлдэг бүгдээс үрсийг минь холдуулж хайрла Буурал сайхан дэлхийг минь ивээж хайрла Бурхан сайхан зөнг нь хүмүн бүхэнд сэрээж хайрла Мөнхөд асах гал миний Монгол түмний Мөрөөдөл хүсэл бүгдийг нь биелүүлж хайрла Эрчлэгдэж ассан гал улаан хүч болгож Энэхэн сайхан замбуулингийн эзэн сүлдийг оршоож хайрла. Өвгөн долоон од минь ивээлээ хайрла Өгөөмөр хишиг бүхнээ Монгол нутагт минь хайрла Дархан хилийг минь бүтэн байлгаж хайрла Дагшин түүхийн хүчийг Монголд минь сэрээж хайрла Ивээлийн хөх одод эрчээ өгөн хурцалж Итгэлийн цагаан сүлд өнгө нэмэн гэрэлтлээ Төгөлдөр төвшин бүхэн Монгол газар хуралдаж Төөрөг тавилангийн ээдрээ тайлагдаад нэгэн задарлаа Сайхан цагийн эхлэл иржээ, түмэн минь Саруул гэгээн оюунаар хорвоог өмнөө сөгдөөх Дээдийн гэрэлт тэнгэрийн сайхан цаг Дэлгэр Монгол түмэнд минь хаалгаа нээгээд цэлийж байна. Нартай орчлонд суугаа өргөж бадамлахын Нандин сайхан ерөөлийг төгөлдөр түмэндээ өргөе Үрсийн минь заяа өндөрт мандах болно гэж Өнөөдрийн сарны дор өнгөт орчлонд тунхаглая. Миний Монгол түмэн МӨНХӨД АСАХ ГАЛ байсан юм, одоо ч тийм байсаар байна. мөнхөд МӨНХӨД АСДАГ ГАЛ БАЙХ БОЛНО. [sgmb id="1"]