Томуугийн эсрэг вакцины татан авалтыг манай аймаг хийсэн байна. Ингэсэнээр иргэд сайн дураараа вакцинд хамрагдах боломж бүрдэж байна. Улсын хэмжээнд томуугийн өвчлөлийн дэгдэлт 5-6 хувьтай байна. Харин манай аймагт 3,3 хувьтай байгаа юм. Иймд өвчлөлөөс урдчилан сэргийлэх  зорилготой тус вакциныг манай аймаг 80 тунг авчирсан байна. Томуугийн эсрэг  вакцинийг 6 зургаан сартайгаас 2нас 11сар 29 хоногтой хүүхдүүдэд 0,25мл-ээр, 3-6 насанд 0,5 млграмм, түүнээс дээш насныханд 0,5 мллитрээр хийх юм байна. Уг вакциныг хийлгэхэд жирэмсэн эхчүүдийн хувьд эмчээс зөвлөгөө авч хийлгэнэ. Харин өвчлөл хүнд үед буюу өндөр халуурч байгаа тохиолдолд хийлгэхийг хориглоно. Вакциныг 15000 төгрөгөөр хийлгэнэ. Иргэд БОЭТ-ийн дархлаажуулалтын кабинетэд өглөө 8-16цагийн хооронд хийлгэх боломжтой юм байна. [sgmb id="1"]