Нацист Германыг ялж, дэлхийн II дайн дууссан баярыг ОХУ-д жил бүрийн тавдугаар сарын 9-нд “Ялалтын баяр”-ыг тэмдэглэг өнгөрүүлдэг ба энэ жил “Ялалтын баяр”-ын 70 жилийн түүхэн ой тохиож байгаа юм. Дээрх 70 жилийн ойн өдөр Москва хотноо 14 мянган цэрэг парад алхах юм. Үүнтэй холбоотойгоор “Ялалтын баяр”-т нийт 26 орон оролцон гэдгээ албан ёсоор хариу өгчээ. Харин энэхүү ялалтын баярт хуучин ЗХУ-ын бүрэлдэхүүнд байсан орны тэргүүлэгчээс Молдавын Ерөнхийлөгч Николай Тимофти Ялалтын баярт оролцохгүй гэдгээ мэдэгдлээ. Молдавын Засгийн газрын хэвлэлийн төлөөлөгч Влад Цурканы мэдэгдлийг танилцуулахдаа “Ерөнхийлөгч Тимофти энэ өдөр Кишеневт зохион байгуулагдах улсынхаа уламжлалт баярт оролцоно” гэж мэдээлжээ. Түүнчлэн ялалтын баярт Финляндийн Ерөнхийлөгч, Голландын Ерөнхий сайд, Болгар, Польш, Литв, Латви, Эстони, Их Британийн Ерөнхий сайд Дэвид Камерон, Израилийн Ерөнхийлөгч Реувен Ривлин нар оролцохгүй гэдгээ албан ёсоор мэдэгджээ.  Эх сурвалж: new.mn