Өнгөрсөн хоёрдугаар сарын 27-нд Оросын сөрөг хүчний улстөрч Борис Немцов Москва хотын төв хэсэг болох Большой Москорецкий гүүрэн дээр алхаж яваад буудуулж амиа алдсан билээ.
Харин түүний өөд болсон дараа дэмжигчид нь Борис Немцовын өөд болсон газарт цэцэг өргөж, хөрөг зургийг нь байршуулсан билээ. Тэгвэл Оросын хэт туйлшрагч үзэлтнүүд тэрхүү дурсгалын зүйлсийг нь эвдэн сүйтгэж, Борисын зургийг шатааж, нэрийг нь бичсэн пайзыг шүршдэг будгаар баллан, “Борис бол урвагч” хэмээх үгийг гүүрний хашлага хаалтан дээр бичсэн байжээ.
Уг ажиллагааг Украины эсрэг үзэлтнүүд үйлдсэн гэж хуулийнхан мэдэгдээд, тэднийг баривчлан шийтгэнэ хэмээн мэдэгджээ. Дээрх асуудлаас үүдэн Оросын төрийнхөн “Немцовын гүүрэн” дээр хөл хорио тогтоож, талийгаачийн дурсгалын эд зүйлс рүү хүн ойртуулахгүй гэж мэдэгдсэн байна.
Эх сурвалж: new.mn
